2 აგვისტოს (ძვ. სტ. 20 ივლისს), ქრისტეს ეკლესია იხსენიებს წინასწარმეტყველ ელია თეზბიტელს!

ელია თეზბიტელი, წმინდათა ცხოვრება, თვენი, აგვისტო, ქველი, qwelly, august

      ძველი აღთქმის ერთ-ერთი უდიდესი წინასწარმეტყველი დაიბადა ძვ. წ-ით IX ს-ში ისრაელის სამეფოში. სახელი ელია ებრაულად ნიშნავს ''უფალია ჩვენთან". წმინდანის ზედწოდება მისი მშობლიური ქალაქის თეზბას სახელიდან მომდინარეობს. ტომით ლევიტელი.

      ეპიფანე კვიპრელის ცნობით, როცა ელია დაიბადა, მამამისმა იდუმალი ჩვენება იხილა: კეთილსახიერი ჭაბუკები ცეცხლის ალში ხვევდნენ ახალშობილს და ცეცხლით კვებავდნენ. როცა მამამ ამის შესახებ იერუსალიმელ მღვდლებს მოუთხრო, პასუხად მოისმინა: "ნურაფრის გეშინის, შენი ძე ნათელში იცხოვრებსო".

      ელიამ ჯერ კიდევ ყმაწვილი იყო როცა ღმერთს მიუძღვნა თავი. უდაბნოში განმარტოვდა.მკაცრ მარხვაში, ლოცვასა და ღვთის განგებულებაზე ფიქრში ატარებდა დღეებს. ხორციელად იზრდებოდა და სულიერად წარემატებოდა.

      წინასწარმეტყვლება ელიამ ურჯულო აქაბ მეფის დროს დაიწყო. სავარაუდოდ ჩვენ წელთააღრიცხვამდე 869 წელს.

      აქაბი ყველაზე უწმინდური კაცი იყო ისრაელის მეფეებს შორის. მეფემ წარმართი ცოლი მოიყვანა და უფლის ნაცვლად ქვეყანაში ბაალის კერპის თაყვანისცემას ავრცელებდა. წინასწამეტყველისთვის მიუღებელი იყო ერის საქციელი, ამიტომ განეშორა თავის ხალხს. მიატოვა ოჯახი, ნათესავები და განმარტოებით დასახლებული ასკეტურ ღუაწლს შეუდგა. მაშინ გამოეცხადა მას უფალი და უსჯულოების სამხილებლად მეფე აქაბთან მისვლა უბრძანა. უფლის ბრძანებით ელია წარდგა აქაბის წინაშე, ამხილა კერპთმსახური მეფე და სინანულისა და ჭეშმარიტ ღმერთთან მიბრუნებისკენ მოუწოდა, თან განუმარტა, რომ მისი მაგალითით ირყვნებოდა უფლის რჩეული ერი, თუმცა არც მეფემ ისმინა მისი და არც ხალხმა.

      აქაბმა და იეზაბელმა შეიძულეს ელია და დევნა დაუწყეს. საღმრთო შურით აღძრულმა ელიამ დაცემული ერის ჭკუაზე მოსაყვანად უფალს ცვარ-ნამის შეწყვეტა სთხოვა. ასეთი მკაცრი სასჯელით წმინდა ელია წინასწარმეტყველს სურდა, კერპთაყვანისცემაზე მოქცეული ებრაელი ხალხი ჭეშმარიტი რწმენისაკენ მოებრუნებინა, ამასთან, უნდა ეჩვენებინა, რომ წვიმის ღმერთად მიჩნეული ბაალი სრულიად უმწეო იყო და ქვეყანას წვიმას ვერ მოუვლენდა. მან მეფეს განუცხადა, რომ ღმერთთან დადებული აღთქმის დარღვევისათვის ისრაელს სასჯელად თავს დაატყდებოდა გვალვა და შიმშილობა, რომელიც მხოლოდ ელიას ლოცვით შეწყდებოდა.

      მეფე აქაბმა წინასწარმეტყველ ელიას დაუწყო დევნა. უფალმა გააფრთხილა ელია მდინარე იორდანეს მახლობლად მდებარე მთებში "ნაღვარევსა მას ქორთასა" დამალულიყო.

      მღვიმეში მცხოვრებ ელიას დილა-საღამოს ყორანი უზიდავდა ხორცსა და პურს. წყურვილს კი იქვე ნაკადულზე იკლავდა. ცხრა საუკუნის შემდეგ ამ მღვიმეში ლოცულობდა წმ. იოაკიმე, როცა ანგელოზმა ახარა, რომ მისი ცოლი შობდა ასულს, ყოვლადწმინდა ქალწულ მარიამს. ამავე მღვიმეში ლოცულობდა და მოღვაწეობდა წმ. იოანე ნათლისმცემელიც.

      მრავალი სასწაული აღასრულა ელია წინასწარმეტყველმა.მკვდრეთით აღადგინა ცართაფში ქვრივი სიდონია ერთადერთი ძე. მათთან ცხოვრების დროს,.შიმშილობისას არ ილეოდა ქოთანში ფქვილი და დოქში ზეთი.

      სასწაული აღასრულა ბაალის კერპთან,სადაც 450 ქურუმი იყო თავმოყრილი.მხოლოდ ელია წინასწარმეტყველის სამსხვერპლოზე გადმოვიდა ცეცხლი და შთანთქა მსხვერპლი. ამ სასწაულის შემყურე ხალხი პირქვე დაემხო და უფალი ადიდა.

      წინასწარმეტყველი უფალმა ზეცად აამაღლა.

      ეკლესიის სწავლებით, წმინდა ელია წინასწარმეტყუელი ამა სოფლის უკანასკნელ დღეებში ანტიქრისტეს სამხილებლად ენუქთან ერთად უნდა გამოჩნდეს იერუსალიმში, რათა თავიანთი საკვირველი ქადაგებითა და სასწაულთმოქმედებით ადამიანებს განუცხადონ ის არნახული სიცრუე, რომელიც ემუქრება კაცობრიობას.

      საეკლესიო გადმოცემით, სვეტიცხოვლის ტაძრის საკურთხევლის სამხრეთ-აღმოსავლეთით მდებარე სათავსოში უნდა იყოს განსასვენებელი წმინდა ელიას ხალენისი.ეს სიწმინდე რომელიც ისევე, როგორც ქრისტეს კვართი, უფლის მეორედ მოსვლამდე იქნება დაცული. ეს სათავსო ამჟამად წმ. ელიას სახელობის ეკლესიად იწოდება, ხოლო ეკლესიის შესასვლელთან საგანგებო ნიშია ამოკვეთილი. აქვე არის წმინდა ნინოს დროინდელი (IVს) ელია წინასწარმეტყველის სახელზე ნაკურთხი ჭა, საიდანაც მოსახლეობა იღებდა წყალს და ხმარობდა ოჯახების, ბაღ-ვენახების საკურთხებლად და განსაწმენდელად.

◄ გუშინ | დღეს | ხვალ ►

     

ტეგები: 2 აგვისტო, Qwellyland, აგვისტო, თვენი, ილიაობა, წმინდათა_ცხოვრება

ნახვა: 893

ღონისძიებები

ბლოგ პოსტები

კანონიერების გამოკვლევა, დაპირისპირება დმანისში და ბერობიდან განყენება

გამოაქვეყნა Giorgi_მ.
თარიღი: სექტემბერი 21, 2021.
საათი: 11:16pm 0 კომენტარი

      უპირველესად გილოცავთ ღმრთისმშობლის შობას. დღის მთავარი პოლიტიკური ამბები კი უკავშირდება საარჩევნო დებატებს. დღეს მეინსტრიმში იყო ასევე სისხლიანი ბანერები, დმანისში არეულობა, ფარული ჩანაწერების კანონიერება თუ უკანონობა, მგზავრობა თბილისში და სივერაგე ოკუპაციაში. ვალუტის კურსი - 1 აშშ დოლარი - 3.1163 ლარია.

საქართველოს და მსოფლიოს ამბები | 21 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:00pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

Qwelly World

free counters