ონტოარტი

        ონტოარტი ეს ყოფის ხელოვნებაა. მისი დასახელება წარმოსდგება ბერძნული სიტყვა ”ონტო”-ს  რაც ყოფას ნიშნავს და ხელოვნების აღმნიშვნელი ლათინური სიტყვა ”Art" (არტი)”_ისგან. ონტოარტი ხელოვნების თანამედროვე მიმდინარეობაა, რომელიც ჩამოყალიბდა იტალიაში გასული საუკუნის 70 იან წლების ბოლოს ანტონიო მენეგეტტის მიერ, იგი არის მხატვარი, მუსიკოსი, მაღალი მოდის სტილისტი და ამავედროს აქვს დოქტორის ხარისხი მეცნიერების რამოდენიმე დარგში (ფილოსოფია, თეოლოგია, სოციალური მეცნიერებანი). ანტონიო მენეგეტტიმ ონტოარტის სახით დაარსა ხელოვნების ახალი მიმდინარეობა,რომელშიც გაერთიანდნენ მხატვრები, მოქანდაკეები, არქიტექტორები, დიზაინერები და ფოტოგრაფები თითქმის მთელი მსოფლიოდან. იგი ყურადღებით აკვირდება მათ პროექტებსა და ნამუშევრებს და საჭიროების შემთხვევაში სათანადო კონსულტაციებს აწვდის. ონტოარტი დაარსდა როგორც მხატვრული კულტურა, რომელიც ამკვიდრებს ესთეტიკის მეტაფიზიკურ სემანტიკას. ონტოარტის დამახასიათებელ ნიშანს წარმოადგენს ახალი არტისტული ფორმების ძიება, ხოლო ამ ხელოვნების კონცეფცია- სუფთა, ჯანსაღი და გულწრფელი ცხოვრების დამკვიდრებაა. ასევე ის რომ თვითოეულმა ადამიანმა იპოვოს საკუთარი მოწოდება და საკუთარი ადგილი გარემომცველ სამყაროში. ეს ნამუშევრები თითოეული ადამიანის სულში სწორედ ამ სურვილს აღვიძებენ. ონტორტის ხელოვნება აღიარებს და ამკვიდრებს ყველაფრის ნამდვილობასა და სიჯანსაღეს, ეს ბუნებრივი წესრიგია. იგი უჩვეულო და ჭეშმარიტად ადვილად საცნობი სტილია. აქ უხვადაა ნათელი ფერის ლაქები, რომლთა შეხედვისასაც ადამიანი რაღაც მომენტში ხედავს განსაზღვრულ გამოსახულებას და მათ იქით გარკვეულ აზრს კითხულობს. ონტოარტი თავის თავში ორ მომენტს მოიაზრებს ერთი მხრივ ესაა ამ სტილის ხელოვნების ნაწარმოები, მეორე მხრივ სიბიექტის მიერ ამ ნაწარმოების განსაკუთრებული, ინდივიდუალური სახის აღქმის მცდელობა. ეს თამაშია, სადაც მნახველი ხელოვნების უშუალო მონაწილე ხდება. ონტოარტი თავისი არსით ყოფის ხელოვნებაა, და რადგან ხელოვნება ადამიანის სულის ერთ ერთ მნიშვნელოვან გამოვლინებას წარმოადგენს, ამიტომ იგი ყოველი ადამიანის შინაგანი მოთხოვნილება ხდება. ეს თანამედროვე ხელოვნება ეხმარება ადამიანს იპოვოს გზა საკუთარი სულის შინაგანი სწრაფვისაკენ, ეხმარება მას სამყაროს შემეცნებასა და მის გარშემო არსებული სილამაზის შეგრძნებაში, რათა შევიგრძნოთ ჩვენს გვერდით არსებული რეალური სამყარო, ოღონდ იმ ერთი პირობით, რომ ჩვენ მზად ვართ გავიგოთ და აღვიქვათ ამ ხელოვნების არსი. ონტოარტის ძირითადი სიმბოლო- სილამაზე, სიჯანსაღე, სახეთა სისუფთავე, სინორჩე და ახალგაზრდობაა. მისი ნიშნები ადვილად აღსაქმელია და ისინი განამტკიცებენ ბუნებისა და ადამიანის სუფთა და უშუალო კავშირს. შეგრძნებების მხრივ კი თვითოეული ნამუშევარიდან უდიდესი ენერგია მოედინება - შეიგრძნობა მათგან მომდინარე როგორც ნაზი, რბილი და ჰარმონიული, ასევე უფრო დრეკადი და ძლიერი ტალღები, ისე როგორც სინამდვილეში სუფთა ჰაერზე ყოფნას ახლავს ხოლმე. ალბათ ესაა მთავარი მიზეზი, რომ ონტოპორტი ასე დიდებულად ჩაეწერება და ზოგჯერ მთლიანადაც ქმნის ინტერიერებს ამ სტილში.

       ონტოარტის სტილის ინტერიერები ეს პირველრიგში ხარისხიანი ბუნებრივი მასალები და ინტერიერის სხვადასხვა ელემენტებში ონტოარტის ფერწერის გამოყენებაა, სადაც ინტერიერების შესაქმნელად პრინტის ნახატები გამოიყენება პანოებად, შპალერებად, ფარდების დეკორად, ხალიჩების ორნამენტებად, ავეჯის თუ ინტერიერის დეტალებისა და სხვადასხვა საგნებისა თუ აქსესუარების შესამკობად. მნახველი, რომელიც ერთხელ მაინც ნახავს ონტოარტის სტილის ინტერიერს ყოველთვის იცნობს მას თავისი მხატვრული გადაწყვეტის განუმეორებელი და განსაკუთრებული მანერით. არქიტექტურა ონტოპორტის სტილში განგვაცვიფრებს, აღგვაფრთოვანებს და ზოგჯერ გაგვაოგენებს კიდეც, იგი თითქოს ადამიანს საკუთარ წყენაზე აამაღლებს და აძლევს საშუალებას ყოფის სიღრმეებში შეაღწიოს. იგი იპყრობს როგორც ჩვეულებრივი ადამიანბის ასევე პროფესიონალთა ყურადღებას. ონტოარტის სტილის ინტერიერის ძირითადი ელემენტები ონტოარტის სტილით შესრულებული ნამუშევრები (ფერწერული თუ გრაფიკული ნახატები)ამ სტილის სიუჟეტური სურათების გამოყენება ინტერიერის სხვადასხვა დეტალებში ბუნებრივი და ხარისხიანი მასალების გამოყენება ბუნებრივი ფორმები და პროპორციები;-ფუნქციონალურობა და უბრალოება ეს ყოველივე ლამაზი და ჯანსაღი გარემოს ფორმირების საწინდარია.

       ონტოარტის სტილი ინტერიერი ძლიერი და ცოცხალი გარემოა, რომელიც წარმატებისა და წინსვლის ხელსემწყობადაც შესაძლოა იქცეს, რადგან იგი მხოლოდ პოზიტიურ იმპულსებს გამოსცემს და პოზიტიურ გავლენას ახდენს პიროვნებაზე და მის გარემომცველ გარემოზე. აქ ჯანსაღი ენერგეტიკაა, რომელიც თითოეული ონტოარტული ნივთიდან თუ დეტალიდან მომდინარეობს და მიმართულია პიროვნების ფიზიკურ თუ სულიერ განვითარებისაკენ, მისი შინაგანი პოტენციის გახსნისაკენ. ონტოარტული ინტერიერი კლასიკური დიზაინის კანონებს იცავს, თუმცა უარს არ ამბობს ეკლექტურ თუ სტილების ნაირსახეობის გამოყენებაზე. ამ ინტერიერებში შესაძლებელია შევხვდეთ როგორც ანტიკვარულ საგნებს, ასევე საგნებს, რომლებიც დროს რამოდენიმე ათწლეულებით უსწრებენ წინ. უმეტესად გამოიყენება რბილი, ასევე გლუვი, მოცულობითი თუ აეროდინამიური ფორმების მქონე საგნები. ონტოარტი თავისი ფერწერული სურათებითა თუ თანამედროვე ბეჭვდითი ტექნიკის საშუალებით შექმნილი ნახატებით, განსაკუთრებით კარგად ერწყმის ჰაი-ტეკის უბრალო და დახვეწილ ფორმებს, სადაც ეს ნახატები შესაძლოა დატანილი იქნეს ტექსტილზე, გადასაფარებლებზე, ხალიჩებზე და ბევრ სხვა საგანზეც, ასევე ეს სურათები შესაძლოა პანოების, შპალერის ან კერამიკული ფილების სახით იყოს წარმოდგენილი. ამასთან, გასათვალისწინებელია რომ ონტოარტი აბსტრაქცია არაა, მის დინამიურობასა და ქრომატიზმს უკან განსაზღვრული რეალობა დგას, რომელიც მხატვრულადაა გადმოცემული. ონტოარტის დიზაინში მნიშვნელოვანია ყველა წვრილმანი, რომლის საერთო ღერძს შეადგენს იდეა, რომელიც თვით ცხოვრებისაგანაა ნაკარნახევი:-გაანთავისუფლოს ყოფითი გარემო მკაცრი ფორმებისაგან და მისცეს ადამიანს შანსი თვითონ განსაზღვროს და ჩაწვდეს საკუთარი ცხოვრების არსს.

გალერეა:

ტეგები: onto, qwelly, ანტონიო, ფერწერა, ფილოსოფია

ნახვა: 905

გამოხმაურებები!

როგორი ფილოსოფიური ხელოვნებაა არა? :))

მეტი არ შეიძლება ისეთი :DD

ლაშა said:

როგორი ფილოსოფიური ხელოვნებაა არა? :))

თან რითიც გინდა, იმითი გააკეთებ შედევს ონტოარტში )) აქ უნდა ვცადო ბედი, აბა მხატვრობა არ გამომდის )) 

აქ დიდია გამართლების შანსი  :DD

ლაშა_მ თქვა:

თან რითიც გინდა, იმითი გააკეთებ შედევს ონტოარტში )) აქ უნდა ვცადო ბედი, აბა მხატვრობა არ გამომდის )) 

ხელოვნებისადმი ჩემი მისწრაფება თავიდანვე შესამჩნევი იყო ))

RSS

ღონისძიებები

ბლოგ პოსტები

ნუთუ მხოლოდ შენებაა მთავარი?!

გამოაქვეყნა ლაშა_მ.
თარიღი: აგვისტო 15, 2020.
საათი: 2:06pm 0 კომენტარი

      განა შეიძლება ქრისტიანი ადამიანი, ქრისტეს მიმდევართა შესაკრებლების, ტაძრების აშენების წინააღმდეგი იყოს?! ანდა, როგორ წარმოგიდგენიათ, პირველ დევნილ ქრისტიანებს რომ შესძლებოდათ ისე თავისუფლად შეკრებილოყვნენ დიდ სახლებში, როგორც დღეს ჩვენ გვაქვს ამის საშუალება, განა არ გაიხარებდნენ?! ესეც ხომ ფაქტია, რომ არ არსებობს საღმრთო ლიტურგიაზე უფრო აღმატებული მსახურება დედამიწაზე - ეს უკანასკნელი ხომ სწორედ რომ ტაძრებში აღევლინება?! მაგრამ ერთი რამ კი…

გაგრძელება

გაფიცული ბელარუსი და სწავლა სექტემბრიდან კოვიდის ხანაში

გამოაქვეყნა Giorgi_მ.
თარიღი: აგვისტო 14, 2020.
საათი: 10:36pm 0 კომენტარი

      აგვისტო სადაცაა წელში გადატყდება. დღეს აფხაზეთის ომში პირველი ტყვია გავარდა 28 წლის წინ. ცხადია, დაღუპულთა საფლავები შეამკეს და აფხაზეთის დაბრუნებაც პარტიებმა თავიანთი პროგრამის ნაწილად წარმოგვიდგინეს. დღის მთავარი ამბავი კი ქართულ-ბელარუსიულია, ქვეყნის შიგნით კორონას მომძლავრებასა და ამ პირობებში სწავლის საკითხს განიხილავდნენ, რეკომენდაციებსა და რჩევებს წერდნენ, ხოლო ბელარუსის ამბავი კი საერთაშორისოდ აქტუალური იყო და ჩვენც არ ჩამოვრჩენილვართ…

გაგრძელება

კორონასგან ჩაკეტილი სვანეთი და კანდიდატების ჭიდილი

გამოაქვეყნა Giorgi_მ.
თარიღი: აგვისტო 10, 2020.
საათი: 10:30pm 0 კომენტარი

      წინათ გასაჭირისა და შეჭირვების დროს ხალხი მთაში გარბოდა, ამჯერად ყველაზე მაღალი მთა ჩაიკეტა და იქიდან გამოქცევას ლამობენ. ის ორი კინკილა ტურისტიც კარანტინის ზონებში გადაიყვანეს - სვანეთში კორონას გავრცელებამ მისი ჩაკეტვა გამოიწვია. თბილისში კანდიდატებს ერთმანეთს აჯიბრებენ. ბაჩალიაშვილის საქმე ისევ პირადი ინფორმაციების გამომზეურებას მიყვება.

საქართველოს და მსოფლიოს ამბები / 10 აგვისტო, 2020

      კორონა მაღალ…

გაგრძელება

მელომანი დიასახლისის ალბომები

გამოაქვეყნა Tamila Moshiashvili_მ.
თარიღი: აგვისტო 9, 2020.
საათი: 11:38pm 2 კომენტარი

      კორონას ეპოქის შემოქმედება არ მგონია მსოფლიო კულტურის ისტორიასი ახალ რენესანსად შევიდეს, მაგრამ ეპიდემიების ისტორიაში ყველაზე არტისტულ ხანად ნამდვილად შევა. რამდენიმე კვირის წინ ალბომებზე დისტანციის დაცვა უკვე შევეხეთ - სოციალური დისტანცია ალბომებზე, ახლა კი ერთ საკარანტინე სასტუმროს ფოტოგრაფია უნდა შემოგთავაზოთ. ლონდონის ერთ გარეუბანში არის პატარა სასტუმრო, სიდმარ…

გაგრძელება

Qwelly World

free counters