ომი დაიწყო.

      აირია სატანის მოდგმა.

      ჯერ შუაგულ ერთმანეთში გააჩაღეს სიკვდილის კალო, შეყარეს ამ კალოზე ღმერთის რჩეული ერის შვილები, ებრაელები და ლეწეს და ლეწეს. ებრაელების ხოცვა-ჟლეტა სწორედ იმის ნიშანი იყო, რო სატანა უხდიდა ღმერთს სამაგიეროს. ადამიანს გულით ვინც ძალიან უყვარს, ის უნდა მოუკლა თუ გინდა გული დასწყვიტო. სატანაც ჟლეტდა ებრაელებს ღმერთის გულის მოსაკლავად. მერე, რაკი ერთი სატანა სიკვდილის კალოს გააჩაღებს, აღარც მეორე ჩამორჩება და ლეწავენ და ლეწავენ.

      იმ ჩვენი სოფლიდანაც, სადაც გადმოცემით ოდესღაც ღმერთს ერთი ღამე გაუთენებია, კაცი არ დატოვეს, ვისაც თოფის ხელში დაჭერა შეეძლო. ბაყდარიც წაიყვანეს.

      საპყარიც.

      მაგრამ ბაყდარი მეორე დღს გზიდან მობრუნდა და სახლში დაიმალა.

- დიაცი ხო არა ხარ, ყველა წავიდა და შენ რას იმალები, - გაუწყრა მოხუცი მამა, - რისი გეშინია, სხვა თუ მოკვდება, შენც მოკვდი. სირცხვილიანის ყოფნას, სიკვდილი სჯობია.

- სიკვდილისა არც მშინებია და არც მეშინია, - ჩაიბუზღუნა ბაყდარმა.

- აბა, მა რა ღმერთი გიწყრება, რო სახლიდან ფეხს აღარ ადგამ?

- მე რო იქ წავიდე, ჯერ ერთი, ხალხი სიცილით დაიხოცება, გიტლერის სამიზნე გამააგზავნა სტალინმაო და ეგრეც იქნება, ძალიანაც რო უნდოდეს, ტყვიას, რო ამცდეს, აბა, შამამხედე, საით ამცდება. აქ დამცინით, მზეს უჩრდილავ სოფელსო, და გერმანელები ხო სიცილით დაიხოცებიან მე რო დამინახავენ. არ მეშინია-მეთქი სიკვდილისა, ხალხის დაცინვისა მეშინია.

      ბაყდარი გაჩუმდა.

      მამამისმა თუთუნი შეახვია გაზეთში და გააბოლა.

      ერთი თვე არ გამოსულა ბაყდარი სახლიდან გარეთ, რო სოფელსაც არ დაეცინა, მშიშარა ყოფილა, ომში არ წავიდაო.

      საპყარის წერილები მოდიოდა, იწერებოდა: ხომ არ იცით ბაყდარი რომელ მხარეს იბრძვის, მისამართი გამომიგზავნეთ, რო წერილი მივწეროო.

      აქედან სწერდნენ, არ ვიცითო.

      მერე მძიმედ დაჭრილი და გახეიბრებული მაიყვანეს საპყარი სახლში. ბაყდარისა ვერაფერი შევიტყვეო წუხდა.

      ღამე ინახულა ბაყდარმა საპყარი.

- შენც დაჭრილი ხარ? - გაუკვირდა საპყარსა და შეათვალიერა სად იყო, ხელში თუ ფეხში გახეიბრებული ბაყდარი.

- არ წავსულვარ, - მოკლე მოჭრა ბაყდარმა.

- როგორ თუ არ წასულხარ?!

- დასაცილს დამიწყებდნენ და იმადა.

- დასაცილს რაზედღა დაიწყებდნენ?!

- აბა, შამამხედე, რას ვგავარ.

- რას ჰგავხარ და ღმერთის ნათლულს, - უთხრა საპყარმა. ორივე გაჩუმდა.

- აბა, მშვიდობით იყავ, - წამოდგა ბაყდარი.

- მაიცა, ვისაუბროთ, რა გეჩქარება.

- მეჩქარება.

- სად გეჩქარება?!

- ვინც შენ ეგრე დაგჭრა და სისხლი გადინა, იმის დედა უნდა ვატირო!

- თქვა და წავიდა.

      წავიდა და წავიდა.

      ღამე გაიპარა სოფლიდან.

"ღმერთის შვილები", გოდერძი ჩოხელი

შენიშვნა: პოსტის სათაური არ შეესაბამება მოთხრობის ავტორისეულ სათაურს. პოსტის სათაური არის პოსტის ავტორის მიერ თემატურად შერჩეული სათაური

ტეგები: Qwelly, ლიტერატურა, მოთხრობები, ქველი, ღმერთის_შვილები, ჩოხელი

ნახვა: 949

ღონისძიებები

ბლოგ პოსტები

კოჭლი ქსელი

გამოაქვეყნა Kakha_მ.
თარიღი: ივლისი 11, 2020.
საათი: 8:30pm 1 კომენტარი

   გვმართებს  ვიცოდეთ, რომ სურვილი რომელიც არ იქნება გამოხატული(ვნახეთ საინტერესოდ მოსაუბრე ადამიანი ან უბრალოდ დავინტერესდით ვინმეთი რომელზეც გვქონდა სურვილი რომ ახლოს "მივსულიყავით"), ის იქნება "გადატანილი" (მოხდა მისი გადატანა) რამაც წარმოქმნა მინიმალური დონით ნერვოზის გამოღვიძება, ზოგი ფსიქ.ანალიტიკოსი (მაგ.ფროიდი) მცდარად უწოდებს რომ საზოგადოების ტაბუმ(კლიშემ) იმოქმედა ადამიანზე, და მან საკუთარი სურვილი "ჩაიბრუნა" ან საქმე გვაქვს მორცხვობასთან, ორივე და…

გაგრძელება

ბუნდოვანი დეტალები და ფრენების რუკა

გამოაქვეყნა Giorgi_მ.
თარიღი: ივლისი 9, 2020.
საათი: 11:19pm 3 კომენტარი

      ნელ-ნელა იწყება ავიაფრენების და საზღვრების გახსნა და ახალი ქვეყნები ჩნდებიან ჩვენს ტურისტულ რუკაზე, თუმცა ჯერ არავინ იცი ვინმე ჩამოვა თუ არა. ქვეყნის შიგნით კი ამერიკისგან დასამსახურებელ 15%-ზე დაობენ და ერთმანეთს ეკამათებიან. შაქარაშვილის საქმეზე კი ყოველ დღე ახალი აბდა-უბდა დეტალები ჩნდებიან.

საქართველოს და მსოფლიოს ამბები / 9 ივლისი, 2020

      კორონას ტურისტული კარანტინი და შეზღუდვა-რეგლამენტები - მარინა…

გაგრძელება

ფეხბურთელის საქმე გაფართოვდა - ახალი ფიგურანტები, აშშ-ს 60 მლნ დოლარი და გახსნილი ფრენა

გამოაქვეყნა Giorgi_მ.
თარიღი: ივლისი 8, 2020.
საათი: 11:00pm 0 კომენტარი

      ივლისი ისე დაიწყო, ქველინიუსი ვერ დაბრუნდა. საბედნიეროდ, კორონა არაფერ შუაშია და გარკვეული ხარვეზების გამო შეგვიწყდა ნიუსების შეგროვება, მაგრამ დღეიდან ვბრუნდებით მომავლის იმედით. დავიწყოთ ამ კვირის ამბებიდან ვიდრე დღევანდელ დღემდე. შაქარაშვილის საქმე ერთ-ერთ გახმაურებულ საქმედ იქცევა. ბევრი გაურკვევლობისა და დამალული ამბების ან გამოგონილი სიუჟეტების გამო, გამოძიება ძალიან იწელება და რთულდება. დღის მეორე ამბავი ამერიკისგან 60 მლნ-ს დაკარგვის…

გაგრძელება

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

Qwelly World

free counters