22 აგვისტოს (ძვ. სტ. 9 აგვისტოს) ქრისტეს ეკლესია ზეიმობს მოციქულ მატათას ხსენების დღეს

მატათა მოციქული, წმინდათა ცხოვრება, თვენი, აგვისტო, ქველი, qwelly, august

      მოციქული მატათა ბეთლემში დაიბადა. საღვთო რჯული წმინდა სვიმონ ღვთისმიმრქმელმა შეასწავლა. როდესაც უფალმა ქადაგება დაიწყო სხვებთან ერთად მატათმაც მოუსმინა, სიყვარულით აღივსო, მიატოვა ქვეყნიური საზრუნავი და მაცხოვარს შეუდგა.

      უფალმა მატათა 70 მოწაფეთა შორის აირჩია. ჯვარზე ვნების, მკვდრეთით აღდგომის და ზეცად ამაღლების შემდგომ წმიდა მატათა 12 მოციქულთა შორის იქნა შერაცხული (წილისყრით) უფლის განმცემის - იუდა ისკარიოტელის ნაცვლად.

      "და დაადგინნეს ორნი: იოსებ, რომელსა ერქუა ბარსაბა და მერმე ეწოდა იოსტოს, და მატათია. და ილოცვიდეს და თქუეს: შენ უფალო, ყოველთა გულთა მეცნიერო, გამოაჩინე ერთი ამათ ორთაგანი, რომელიცა გამოირჩიე, მიღებად წილი მსახურებისაჲ ამის და მოციქულებისაჲ, რომლისაგან განვიდა იუდა მისლვად ადგილსა თჳსსა. და მისცნეს წილნი მათ. და გამოუჴდა წილი მატათიას და თანა-აღირაცხა ათერთმეტთა მოციქულა (საქმე მოციქ. 1, 23-26)."

      50-ე დღეს აღდგომიდან ეს არჩევანი მალე თვით უფლის მიერ იქნა სასწაულებრივად დამტკიცებული სულიწმიდის მოვლინებით მოციქულებზე.

      სულიწმიდის მინიჭების შემდეგ მოციქულებმა წილი ჰყარეს თუ სად, რომელ ქვეყანაში ექადაგათ სახარება. მატათას წილად იუდეა ჰხვდა.

      საეკლესიო გადმოცემის თანახმად მოციქულს იუდეის გარდა კოლხეთსა და მაკედონიაშიც უქადაგია.

      კოლხეთში ქრისტეს სახელისთვის წარმართებმა მოციქულს მრავალი ტანჯვა მიაყენეს: ჰგვემეს, მიწაზე ათრისეს, ბოძზე ჩამოკიდეს, ბასრი რკინებით სხეული დაუფლითეს, ცეცხლით ხორცი ამოუწვეს... მაკედონიაში კი თვალისჩინის წამრთმევი საწამლავი დაალევინეს, მაგრამ მოციქულმა ქრისტეს სახელი ახსენა და უვნებელი დარჩა. ქრისტეს სახელით მოციქულმა სასწაულებრივად განკურნა საწამლავისგან დაბმავებული 250 ადამიანი. ამ ფაქტის გამო ეშმაკი განარისხა, ყრმის სახით გამოეცხადა წარმართებს და მოციქულის მოკვლა უბრძანა.

      სამი დღის მანძილზე დაეძებდნენ მოციქულს, მაგრამ ვერ იპოვეს. მდევნელ წარმართებს მოციქული თავის ფეხით ეახლა და ჩაბარდა. მათ მოციქული შეკრეს და საპყრობილესი ჩასვეს.

      ღამით მოციქულს უფალი გამოეცხადა. გაამხნევა, საკრველთაგან გაათავისუფლა, საპყრობილის კარიც გაუღო და სამშვიდობოს გამოიყვანა. წმიდა მოციქული კვლავ ხალხს წარუდგა და და კიდევ უფრო მეტი სიმხნევით უქადაგა. წარმართები განრისხდნენ და მოციქულის ადგილზე მოკვლა მოინდომეს, მაგრამ ანაზდად მიწა "განიხვნა და შთანთქა ავისმდომელნი".

      მაკედონიიდან მატათა მოციქული იუდეაში დაბრუნდა, სადაც მრავალი მოაქცია. იუდეაშიც ქრისტეს სახელით მრავალ სასწაულს აღასრულა: უსინათლოებს თვალისჩინი დაუბრუნა, ყრუს სმენა, მომაკვდავს სიცოცხლე. აღადგინა დავრდომილები, განკუნავა კოჭლები, კეთროვნები, განასხა ბოროტი სულები.

      წმინდა მოციქულის სიკვდილთან დაკავშირებით რამდენიმე წყარო არსებობს: ერთი წყაროს მიხედვით ის იუდეველებმა ქვებით ჩაქოლეს და შემდგომ თავი მოკვეთეს. ბერძნული წყაროს ცნობით კი წმიდა მატათა ჯვარცმით აღესრულა ისევე როგორც სხვა მოციქულები. ეს ორი ცნობა შეიძლება არც ეწინააღმდეგებოდეს ერთმანეთს, რადგან იუდეველები ბოძებზე მიკრულთ ჩაქოლავდნენ ხოლმე და მატათაც შესაძლოა ჯვარზე გააკრეს და ასე ჩაქოლეს.

      წმიდა ეპიფანე კვიპრელის ცნობით კი მატათა მოციქული გარდაიცვალა კოლხეთში და იქვე გონიოს ციხე – სიმაგრეში დაასაფლავეს.

◄ გუშინ | დღეს | ხვალ ►

ტეგები: 22 აგვისტო, Qwellyland, აგვისტო, თვენი, მოციქული, წმინდათა_ცხოვრება

ნახვა: 617

გამოხმაურებები!

გილოცავთ მატათა მოციქულის ხსენების დღეს, მრავალს დაესწარით! )

RSS

ღონისძიებები

ბლოგ პოსტები

დარდი პანდემიაზე, ეკონომიკაზე, კარტოგრაფებზე და მოახლოებულ წვიმებზეც

გამოაქვეყნა Giorgi_მ.
თარიღი: ნოემბერი 27, 2020.
საათი: 10:57pm 0 კომენტარი

      მარხვის დაწყების წინ, პატრიარქმა მოძღვრებს ლოცვა-კურთხევა მისცა საჭიროების შემთხვევაში რძის პროდუქტების მიღებაზე კურთხევა გასცენ. ხვალიდან შეზრუდვების ამოქმედება იწყება, ამიტომ დღევანდელი პარასკევი, რომელსაც შავი პარასკევიც წამოეწია, დედაქალაქის სრული პარალიზების მიზეზი გახდა - ყველა საყიდლებს ეშურებოდა. მომავალი დღეები წვიმიანი იქნებაო, ამბობენ სინოპტიკოსები - 2 დეკემბრამდე მცირე წვიმაა მოსალოდნელი. კოვიდს რაც შეეხება - 123470 დადასტურებული,…

გაგრძელება

ირმის ნახტომი (ზღაპარი - ლეგენდა)

გამოაქვეყნა nunu qadagidze_მ.
თარიღი: ნოემბერი 27, 2020.
საათი: 3:30pm 0 კომენტარი

      ცის თაღი იძროდა მისი ნაბიჯებიდან, ელვას აკვესებდა ჯიღა თვალებით, ფართოდ განტოტვილი რქებით კი თითქოს მთელ სამყაროს შესდგომოდა დედაბოძად.

      აზავერი მოდისო, დაურბენდა ეს ძახილი ცის ბინადრებს, ისინიც დიდის ამბით მოემზადებოდნენ მის დასახვედრად. ფარშევანგი მაშინვე კუდს გაშლიდა, რათა საზეიმო ელფერი მიეცა სასურველი სტუმრის მობრძანებისთვის. მგელიც უკუდგებოდა, ოღონდ აშკარად გამომწვევი ნაპერწკლები უხტოდნენ თვალებში. გველი განზე გასრიალდებოდა,…

გაგრძელება

დაწესებული შეზღუდვები და ბიუჯეტიდან დაფინანსება

გამოაქვეყნა Giorgi_მ.
თარიღი: ნოემბერი 26, 2020.
საათი: 11:00pm 0 კომენტარი

      შეზღუდვები დაწესდა და აღსრულება 28 ნოემბრიდან დაიწყება. შეზღუდვები კი განსაკუთრებული სიმკაცრით არ გამოირჩევა, თუმცა ქალაქები მაინც დააშორა ერთმანეთს. დღის მთავარი თემა პრემიერის გამოსვლა და დაწესებული შეზღუდვები იყო. ოპოზიციამ, ცხადია, არც დაწესებული შეზღუდვები მოიწონა და არც პარლამენტში შესვლაზეა თანახმა - ერთადერთი რასაც თანხმდება საბიუჯეტო დაფინანსებაა. კოვიდს რაც შეეხება - მთლიანი რიცხვები - 118690 დადასტურებული, აქედან გამოჯანმრთელებული…

გაგრძელება

ახალი შეზღუდვების მოლოდინი და საიქიოს წასული მარადონა

გამოაქვეყნა Giorgi_მ.
თარიღი: ნოემბერი 25, 2020.
საათი: 10:00pm 3 კომენტარი

      ყოველდღიურად ანონსდება მომავალი შეზღუდვები, ლოკდაუნები, პრობლემები, ჩაკეტვები და ეკონომიკურ კოლაფსსა და სიცოცხლის გადარჩენის შუა ხაზი. თავის მხრივ, პანდემიაშეშინებულზე ოპოზიციაც დაცხრა და ჯერ შიდა გარკვევაშია და შემდეგ მთავრობასთანაც დაალაგებს. საპატრიარქომაც გააკეთა განცხადება. ვირუსის რიცხვები - 114889 დადასტურებული, აქედან გამოჯანმრთელებული - 95581, გარდაცვლილი - 1085, კარანტინში - 2071. რაც შეეხება ეკონომიკის მეტრს - დოლარი - 3.3193 ლარი…

გაგრძელება

Qwelly World

free counters