გამოხმაურებები!

Permalink Rati Inashvili სექტემბერი 10, 2012 | 4:00pm:

“გულწრფელად ვამბობ, რომ საქართველოს ნაკრებს სიტუაციის გართულება შეუძლია. კარგად ორგანიზებული გუნდია და საშინაო კედლებიც დაეხმარება, ამიტომაც, ბოლომდე კონცენტრირებულნი უნდა ვიყოთ. ჩემს ფეხბურთელებს განსაკუთრებულად მოტივირება არ სჭირდებათ. მათ უკვე იციან, რომ გუნდები სუსტ და ძლიერ მეტოქეებად არ უნდა დაჰყონ”, – ეს მსოფლიოს ფეხბურთის ისტორიაში ერთ-ერთი ყველაზე ტიტულოვანი მწვრთნელის, ვისენტე დელ ბოსკეს სიტყვებია.
“ფურია როხას” ულვაშა თავკაცმა ჟურნალისტების კითხვებს კასილიასისა და ჩავის პრესკონფერენციის შემდეგ უპასუხა. მანამდე კი დელ ბოსკე მშვიდად იჯდა საპრესკონფერენციო დარბაზში. დინჯი, აუღელვებელი, ჭკვიანური გამოხედვით – არც მაშინ გაბრაზებულა, როცა პრესკონფერენციის დროს მიკროფონი გაითიშა. როცა დარბაზში ხმაური ისმოდა, ლაპარაკს წყვეტდა.

Permalink Rati Inashvili სექტემბერი 11, 2012 | 11:21am:

ესპანეთის ნაკრების ვარჯიში, დაახლოებით 20:00 საათზე დაიწყო და საათზე მეტხანს გასტანა. "ფურია როხას" წვრთნას "დინამო არენაზე" იმდენი ადამიანი დაესწრო, საქართველოს ჩემპიონატის მატჩებზე სანატრელია. იყო კურიოზული შემთხვევაც - ესპანელთა "ორკარას" თამაშის დროს, მინდორზე 10-11 წლის ბავშვი შევარდა.
ვისენტე დელ ბოსკეს დატვირთული ვარჯიში ჰქონდა: კვადრატში მთელი გუნდი მონაწილეობდა, შემდეგ იყო ჩაწოდებები, კარში დარტყმები, ნახევარ მოედანზე "ორკარა" და ბოლოს, ისევ დარტყმები საჯარიმოს გარედან.
ყველაზე საინტერესო "ორკარა" იყო, რადგან ისე ჩანდა, რომ დელ ბოსკემ, საქართველოსთან სათამაშო სასტარტო თერთმეტეული გამოარჩია. იკერ კასილიასს ალტერნატივა არ უნდა ჰყავდეს, დაცვაში კი მარჯვნიდან მარცხნივ იყვნენ ალვარო არბელოა, ჩაბი ალონსო, სერხიო რამოსი და ხორდი ალბა. ნახევარდაცვის ცენტრში კარლეს ბუსკეტსი, ჩავი და ანდრეს ინიესტა, შეტევის ფლანგებზე დავიდ სილვა (მარჯვნიდან) და დავიდ ვილია (მარცხნიდან), ხოლო ცენტრფორვარდად რობერტო სოლდადო.
ჩაბი ალონსო დაცვაში? ეს ყველაზე საინტერესო იყო და ესპანელმა ჟურნალისტებმაც აღნიშნეს. ფაქტია, დელ ბოსკემ "ორკარას" დროს სასტარტო თერთმეტეული გამოარჩია და "რეალის" 30 წლის ნახევარმცველი დაცვაში დააყენა. რა თქმა უნდა, ეს იმას არ ნიშნავს, რომ დელ ბოსკე ხვალ აუცილებლად დაცვაში დააყენებს ალონსოს. უბრალოდ, ორკარას დრო ასე იყო.
მოედანზე ჩასვლისა და ფოტოების გადაღების მსურველი ბევრი იყო, თუმცა ეს ვერ მოახერხეს. კომენტარების გაკეთებაც შეუძლებელი იყო.

Permalink Rati Inashvili ოქტომბერი 13, 2012 | 7:02pm:

მსოფლიოს 2014 წლის საფეხბურთო ჩემპიონატის შესარჩევ ციკლში ჰელსინკიში ნათამაშებმა ფრემ (1:1), ძალიან დაწყვიტა გული საქართველოს ეროვნული გუნდის თავკაც თემურ ქეცბაიას, ვინც აღნიშნა, რომ მომგებიანი ანგარიშის ვერშენარჩუნება ფეხბურთელების გამოუცდელობის ბრალია. ამის შესახებ საქართველოს ფეხბურთის ფედერაციის პრესსამსახური იუწყება.
თემურ ქეცბაია: “გულდასაწყვეტია, რომ სასურველი ანგარიში ვერ შევინარჩუნეთ, მაგრამ ჩემი ბიჭების მონდომებით კმაყოფილი ვარ. გამოცდილება გვაკლია, რადგან გუნდში ბევრი ახალგაზრდაა, მაგრამ სწორედ ასეთ თამაშებში გაიზრდებიან და მომავალში მსგავს შეცდომებს აღარ დაუშვებენ. კიდევ ერთხელ გეტყვით, რომ გული ძალიან დამწყდა, თუმცა, ისიც არ უნდა დაგვავიწყდეს, რომ სტუმრად ვითამაშეთ და ჩვენი მეტოქე კი, სახლში ყოველთვის კარგად თამაშობს.
ბელარუსში უფრო რთული მატჩი გველის. მთავარია, ფეხბურთელებმა კარგად დაისვენონ. ისინი კი, ვისაც დღეს არ უთამაშია, უკეთ მოემზადონ. იმედია, დარჩენილ სამ დღეში ამას შევძლებთ - გავალთ და მომდევნო თამაშს მოვიგებთ. თანაც, ბელარუსები ისევ უქულოდ არიან და თუ 16-ში წარმატებას მივაღწევთ, ჩვენს მიზანს ნაწილობრივ უკვე შევასრულებთ და ჯგუფში მესამე ადგილზე დავმკვიდრდებით”.
გურამ კაშიას თქმით, ფრე ცუდი შედეგი არ არის და ბელარუსში გუნდი ცუდ ხასიათზე არ მიემგზავრება:
“ამ თამაშის მოგება შეგვეძლო. სამწუხაროა, რომ ჩვენს კარში მიღებულმა ბურთმა ცოტა აგვრია. უფრო ყურადღებით უნდა ვყოფილიყავით. თუმცა, ვფიქრობ, ეს ფრე ცუდი შედეგი არ არის. ამ ეტაპზე, ჯგუფში მესამე ადგილზე ვართ. ახლა, მთავარია, მომდევნო მატჩისთვის კარგად მოვემზადოთ და ძალები აღვიდგინოთ. რაც მთავარია, ბელარუსში ცუდ ხასიათზე არ მოვდივართ”.
საქართველოს ნაკრები ბელარუსში შაბათ დილას გაემგზავრება და შუადღეს უკვე მინსკში იქნება. გუნდი სასტუმრო „ქროუნ პლაზაში“ დაბინავდება.

Permalink Rati Inashvili ოქტომბერი 13, 2012 | 7:03pm:

ვინ უყურა გუშინდელ თამაშს?

Permalink Rati Inashvili ოქტომბერი 15, 2012 | 5:51pm:

კონდრატიევი.. კონდ-რატიევი.. რატომ არ უყვარს ამ კაცს რეალობისთვის თვალებში ჩახედვა?! ჯერ იყო და თბილისში დაგეგმა ჩვენთან მოგება (თუმცა სამწუხაროდ მარტო ის არ გეგმავს), მერე საფრანგეთთან წარმატების იმედით გაიყვანა გუნდი მინდორზე. არც ეს იკმარა და ესპანეთთანაც გამარჯვება უნდოდა ( ვის არ უნდა რომ...), მაგრამ საქმე იმაშია რომ აქედან 2 თამაში პირწმინდად წააგო, ხოლო ჩვენებს მათთან მთლად სუფთა პირი არ ჰქონიათ ))) მაგრამ, განა ამ კაცს ვაძაგებ რამეში- პირიქით! მგონია რომ მწვრთნელი, და თანაც მთავარი- სწორედ ასეთი ოპტიმისტი უნდა იყოს. მართალია რეალობისგან შორს არ უნდა წავიდეს, მაგრამ ფეხბურთელებს უნდა მოუწოდოს პირველ რიგში ბოლომდე ბრძოლისკენ. ყველა გუნდში ადამიანები თამაშობენ და შეცდომას ყველა უშვებს. ხვალაც გამოვა მისი გუნდი მინსკის არენაზე ჩვენი ჯვაროსნების წინააღმდეგ სათამაშოდ და იქაც მათი მხოლოდ გამარჯვებაა მიზანი, მაგარმ იმედია და დარწმუნებულიც ვარ, რომ ბელარუსებს შიგ "კონდრატიევში" მოვახვედრებთ )))

რ.ინაშვილი

Permalink George ოქტომბერი 15, 2012 | 6:01pm:

Martla fiqrob ron gunds rame seriozulis potencia gaachnia ? (

Rati Inashvili said:

aha xom moviget? esec teoria ))

Permalink Rati Inashvili ოქტომბერი 15, 2012 | 6:06pm:

დიახ, მე ამას არამარტო სურვილის გამო ვიჯერებ, არამედ იმ ახალგაზრდა ფეხბურთელის თამაშის ხილვის მერე, რომლებიც მომავალ თაობათ ითვლება. რაც მთავარია ისინი ერთეულები არ არიან, ანუ მცირე კადრები, არამედ გვაქვს (გვექნება) გუნდში მაღალი კონკურენცია. აი მაგალითად ბოლო თამაშში ვიხილეთ 2 უნიჭიერესი ფეხბურთელი სათადარიგო სკამზე (ყენია და ჯანო), რადგან ძირითადში თარგამაძე- ოქრიაშვილის დუეტი იყო- ეს უკვე კონკურენციაა.

Permalink George ოქტომბერი 15, 2012 | 6:14pm:

Nu  Kenias me yoveltvis vtvlidi ufro piarad vidre karg fexburtelad ((

Rati Inashvili said:

დიახ, მე ამას არამარტო სურვილის გამო ვიჯერებ, არამედ იმ ახალგაზრდა ფეხბურთელის თამაშის ხილვის მერე, რომლებიც მომავალ თაობათ ითვლება. რაც მთავარია ისინი ერთეულები არ არიან, ანუ მცირე კადრები, არამედ გვაქვს (გვექნება) გუნდში მაღალი კონკურენცია. აი მაგალითად ბოლო თამაშში ვიხილეთ 2 უნიჭიერესი ფეხბურთელი სათადარიგო სკამზე (ყენია და ჯანო), რადგან ძირითადში თარგამაძე- ოქრიაშვილის დუეტი იყო- ეს უკვე კონკურენციაა.

Permalink Rati Inashvili ოქტომბერი 15, 2012 | 7:37pm:

16 wlisa ukve nakrbis wevri gaxda

Permalink George ოქტომბერი 15, 2012 | 7:49pm:

chemo Rati - shen fexburshi chaxeduli kaci har da rogor daijere 16 nakreboba girsebiT ? (( es iyo pi-ari  samomavlo garigebisTvis ( Topmiolleri da .... ))) 

Rati Inashvili said:

16 wlisa ukve nakrbis wevri gaxda

Permalink Rati Inashvili ოქტომბერი 15, 2012 | 10:53pm:

rodesac misi tamashi vnaxe, namdvilad davijere..

თქვენ უყურებთ საქართველოს ნაკრების თამაშებს ბატონო გიორგი? 

Permalink Rati Inashvili ოქტომბერი 15, 2012 | 10:53pm:

ლაშა კუპრაშვილის ფოტო

საქართველოს ეროვნულმა ნაკრებმა უკვე ივარჯიშა მინსკის "დინამოს" სტადიონზე, სადაც 16 ოქტომბერს გაიმართება შესარჩევის მატჩი: ბელარუსი-საქართველო. შეხსენებისთვის, თამაში თბილისის დროით 20:00 საათზე დაიწყება. ქართველ ფეხბურთელთა მთავარმა მწვრთნელმა, თემურ ქეცბაიამ მინსკში პრესკონფერენცია გამართა და აღნიშნა, რომ ბელარუსის ნაკრები ფინეთზე ძლიერია.
თემურ ქეცბაია: მოგება გვჭირდება, თუმცა ვიცით, რომ რთული მატჩი იქნება - ბელარუსის ნაკრებში კარგი ფეხბურთელები თამაშობენ.
დაძაბული შეხვედრა გვქონდა ფინეთში, სადაც ყველაფერი იოლად არ წარმართულა. საწყენია, რომ გოლი გავუშვით და ფრედ ვითამაშეთ. ერთი შეცდომა დავუშვით და გაგვიტანეს. ვეცდებით, ბელარუსთან არ შევცდეთ. იმედია, საუკეთესო თვისებებს გამოვავლენთ და მოვიგებთ.
- ესპანეთის ნაკრების მწვრთნელმა, ვისენტე დელ ბოსკემ საქართველოს რთულად პროგნოზირებადი გუნდი უწოდა - თანაც, არა მხოლოდ დაცვით, არამედ შემტევი თამაშის კუთხით. ბელარუსთან როგორ ითამაშებთ?
- რთულად პროგნოზირებადი? ჩვენ კონკრეტულად არაფერს ვისაუბრებთ. მოდით ხვალ სტადიონზე და ნახავთ. ჩემი ფეხბურთელების მჯერა.
- თქვენი ნაკრების აქტუალურ პრობლემებზე გვითხარით.
- იმ ფეხბურთელებს, რომლებიც 8-9 დღის განმავლობაში ნაკრებში არიან, არანაირი პრობლემა არ აქვთ. ყველანი კარგ მდგომარეობაში არიან და თამაშისთვის ემზადებიან. ხვალ კი, მინდორზე საუკეთესონი გავლენ.
- ხომ არ შიშობთ, რომ თქვენი ფეხბურთელები მეტოქეს სათანადოდ არ მიუდგებიან?
- არა. ჩვენც ხომ შევხვდით ესპანელებს. ესპანეთთან თამაში რთულია. და რაც შეეხება არასერიოზულ მიდგომას... ჩვენი მხრიდან ეს არ მოხდება. ერთი თვის წინათ ვითამაშეთ ბელარუსთან, ასე რომ, ამ გუნდის ძალა ვიცით. და ის, რომ ბელარუსმა ესპანეთთან 0:4 წააგო, არაფერს არ ნიშნავს. ბელარუსს გლები დაემატა, ანუ გუნდი კიდევ უფრო გაძლიერდა, თბილისის მატჩის შემდეგ.
- თქვენი აზრით, გლებმა რამდენად გააძლიერა ბელარუსის ნაკრები?
- მის გარეშეც კარგი გუნდია, თუმცა, გლებთან ერთად უფრო ძლიერია. გლები დიდხანს თამაშობდა ევროპაში და მატჩის ბედის გადაწყვეტა შეუძლია.
- კიდევ ვინ მოგწონთ ბელარუსის ნაკრებში?
- კარგი გუნდია, ყველანი ბოლომდე იბრძოდნენ თბილისურ მატჩში, თუმცა, ჩვენ მხოლოდ 3 ქულისთვის ვითამაშებთ. მეტოქის ფეხბურთელების გამორჩევა არ მსურს.
- სამ მატჩში 4 ქულა - ეს კარგი შედეგია თქვენთვის?
- შესარჩევის დაწყებამდე ვინმეს რომ შემოეთავაზებინა სამ მატჩში 4 ქულა, დავთანხმდებოდი. აი, ხვალ კი, მოსაგებად ვიბრძოლებთ. ბელარუსი ფინეთზე ძლიერია, ამიტომაც, საბრძოლოდ უნდა განვეწყოთ.

• ‹ წინა
• 1
• 2
• 3
• შემდეგი ›
• გვერდი