ალბათ ყველაზე მკაფიო და აშკარა გამოხატულება ამ სივრცის სწორად აღქმისათვის შემეცნებაშია. თავისუფლების არსიც იმაშია რომ ბოროტისაგან განვთავისუფლდით და სწორედ დამოკიდებულებები ჩამოვიშორეთ. ეს ქრისტეს მიერ, სისხლით და ხორცით გამოხსნილი დიდებულებაა. ქრისტესშობამდე ეშმაკს აბსოლიტური ბატონობა ჰქონდა ადამიანზე, მას შეეძლო ადამიანი დაემონებინა და დაეპყრო, ემოქმედებინა თავისივე თვისებებიდან და მდგომარეობიდან გამომდინარე. ქრისტესშობის შემდეგ, სწორედ ეშმაკისაგან გამოხსნის საშუალება მოგვეცა ჩვენ. ეშმაკის ბატონობა მხოლოდ ჩვენივე ნებიდან, ჩვენივე უფლებად იქცა. ეშმაკს შეუძლია შემოგვთავაზოს, ფული, დიდება, ავტორიტეტი, ფუფუნება სანაცვლოდ მასზე მონობისა. ამ ყველაფრისაგან თავის დაღწევა შემეცნებითაა შესაძლებელი, რომ თავისუფალი ნება სწორედ ცოდნით განისაზღვროს და განირჩეს. შემოთავაზებულზე არჩევეანის გაკეთების შესაძლებლობაა თავისუფლება. თუ შემოთავაზებულის სწორად აღქმა და განსაზღვრა არ შეგვიძლია, გარეთ სხვა ფაქტორებზე გადაბრალება ყველაზე დიდი უპასუხისმგებლობაა, ეს ყველაფერი ჩვენივე უცოდინრობის შედეგია. ეშმაკს აქვს ერთი ასეთი გაბატონებული აზრი, "არ ცოდნა არ ცოდვააო"რის არ ცოდნაზეა საუბარი?მე რომ არ ვიცი გალაქტიკაში პლანეტების განლაგებისა და მათი გავლენების ჭეშმარიტება, ამის უცოდინრობა აბსოლიტიურად არ მაკნნებს და არ მღუპავს. მაგრამ როცა მე ვერ ვახერხებ, გავარჩიო, ესა თუ ის შემოთავაზება ეშმაკისაგანაა თუ უფლისაგან ეს უკვე დამღუპველი და დამანგრეველია. შემეცნება არის საშუალება თავისუფალი გადაწყვეტილებებით, თავისუფლების მოპოვებისა. თუ ადამიანი შემეცნებიდან გამომდინარე ახერხებს, სულის გულის და გონების განწმენდას, მას უკვე საღი აზროვნება, სულიწმინიდის მადლის წყალობით და შეწევნით ეხმარება, მიიღოს მადლი. მიიღოს და დაიტიოს სწორედ ის მაცხოვნებელი სივრცე, რასაც თავისუფლებით მივყავართ ჭეშმარიტებამდე. ადამიანის გათითოკაცება და განმარტოვება ერში, უდიდესი უმადურება და უპასუხისმგებლობაა. როდესაც ადამიანს შეუძლია მინიმუმ ერთი მცირე ღიმილით მოგიტანოს სიხარული, ეს სწორედ წმინდა გონებიდან გამომდინარე სივრცეა. ალბათ არავის აქვს ილუზია ამ ცოდვით და გაუტანლობით გათანგულ ყოფაში ხელშესახებად, იხილოს უფლის დიდებულება. ამისთვის ეკლესიაში დადგენილი ნორმები, საშუალებებია მიზნამდე მისასვლელად. რადგან ცოდვით დაცემული ადამიანის ბუნება, ვერ იტევს იმ დიდებულებას რასაც ჭეშმარიტება ჰქვია, ამისთვის უფალი გვივლენს, სიყვარულით და სითბოთი გაჟღენთილ ადამიანებს, სწორედ განწმენდილი სულის, გულის და გონების შესაბამისად.

      ერთხელ ერთმა გონებასუსტმა ადამიანმა მოძღვარს ჰკითხა, მადლობას თუ სწირავთ უფალს იმისთვის რომ ჯანსაღი აზროვნება გაქვთო. მოძღვარი ამ კითხვამ შეაშინა. მადლობა შენ უფალო იმისთვის რომ შემიძლია განვასხვავო და განვარჩიო ადამიანები. მატი სიხარული და სითბო გავიზიარო, მტკიოდეს მათი ტკივილი და ვტიროდე მათ სატირალზე. მადლობა შენ უფალო იმ ადამიანებისთვის რომლებიც შევიმეცნე და მინდა ცხოვრების მანძილზე შევიმეცნო. მადლობა იმ წყალობისათვის რასაც ეს ადამიანები თავისი სივრცით მინაწილებენ და ვუნაწილებ. ვინ მატერიალური, სოციალური, ფსიქოლოგიური, დედაშვილური, და-ძმური და ა. შ და ა. შ. მე შენ მიყვარხარ ადამიანო.

ანტონ გაგუა