ხმაურის ახალი ტალღა საპატრიარქოდან, ფილმის ჩვენების პრობლემა და კონფერენცია თავდაცვაზე

      ჯერ წინა არ ჩამცხრალა, არ გაქარწყლებულა და უკვე ახალი ტალღა წამოვიდა საპატრიარქოს ამბებიდან - ამჯერად უცხოეთში მოღვაწე მღვდლის პოსტებიგ ახდა აქტუალური. ცხადია ჭყონდიდის თემა ისევ გრძელდება. დღეს აქტუალური იყო კინოჩვენება და მისი პრობლემატიკა, მოსამართლეობა და საერთაშორისო კონფერენცია ბათუმში.

საქართველოს და მსოფლიოს ამბები / 6 ნოემბერი, 2019

      ამბების ახალი ტალღა საპატრიარქოში - პრეზიდენტი საპატრიარქოში განვითარებულ მოვლენებზე - ეს იყო დესტაბილიზაციის ერთ-ერთი მცდელობა, რასაც საზოგადოებამ ღირსეულად უპასუხა. მეუფე იოანე მეუფე ზოსიმეს მიმართ ბრალდებებზე - ვიღაც 30 წლის წინანდელ ზღაპრებს იგონებს - ახლა მე რომ დამაბრალოთ, თითქოს რაღაც მოვიპარე ეპარქიიდან, დაამტკიცებთ? მეუფე იოანე - ჭყონდიდის ეპარქიაში ახლა მიმდინარეობს გადაბარების პროცესი და ამ პროცესში გაირკვევა ყველაფერი. ქონების მართვის სამსახურის თანამშრომლის ინფორმაციით, საპატრიარქოში ზარები შევიდა, რომლის თანახმად, ადგილობრივებს მეუფე პეტრესთან მიწის ნაკვეთებთან დაკავშირებით პრეტენზიები აქვთ. სალხინოში, წმინდა ამბროსი ხელაიას სახელობის სკოლა-გიმნაზიას მეუფე გრიგოლი უხელმძღვანელებს. მეუფე იოანე ფილმზე „და ჩვენ ვიცეკვეთ“ - ჩვენ ამ უმძიმესი ცოდვის პროპაგანდას არასდროს გავიზიარებთ. მეუფე ზოსიმე შიოშვილი მის მიმართ ბრალდებაზე - შევძრწუნდი ისეთი რაღაცები მოვისმინე, ესენი რაღაც ძალების წაქეზებით მოქმედებენ. მეუფე ზოსიმე მეუფე პეტრეს მღვდელმთავრობიდან განყენებაზე - ეს არ იყო ერთადერთი გამოსავალი, უფრო ფრთხილი მოქმედებაც შეიძლებოდა. დეკანოზი შალვა კეკელია - „ნაცმოძრაობა“ წინამძღვრებს უცხოეთში ასვენებდა, მერე ვიდეოს უღებდნენ - როდესაც ციხის კადრები გავიდა, დათა ახალაია და სოსო თოფურიძე მოვიდნენ საპატრიარქოში და მოითხოვეს - თუ მხარს არ დავუჭერდით, ამ კადრებს გაასაჯაროებდნენ. სინანულიც კი დაუფლებია კალაძეს - მეუფე ზოსიმე. საფრანგეთში მოღვაწე მღვდელმა, მამა გიორგი სხილაძემ "ფეისბუქში" 1988 წელს მომხდარი სავარაუდო სექსუალური ძალადობის შესახებ დაწერა. მაშინ მეუფე ზოსიმე სასულიერო სემინარიის რექტორი იყო. მიტროპოლიტი იხსენებს, რომ სტუდენტების გარკვეულ ნაწილს მან თავიდანვე შეატყო, რომ „სხვა სულით“ გამოირჩეოდნენ.

      უკვე გახმაურებული ფილმი - ლევან ვასაძე ფილმის „და ჩვენ ვიცეკვეთ“ ჩვენების მოწინააღმდეგეებს 8 ნოემბერს ვერის ბაღში შეკრებისკენ მოუწოდებს. მამა ბასილ იაშაღაშვილი ფილმზე „და ჩვენ ვიცეკვეთ“ - მთავრობისადმი ჩვენი თხოვნაა, წინ აღუდგეს ამ ფილმის ჩვენებას და არ მიიღოს მონაწილეობა ცოდვის გავრცელებაში. რომან გოცირიძე - მოსამართლეს ვერ ვათქმევინეთ, რომ შიშველი ხელებით ფილმის ჩაშლა ძალადობაა - კომბალი ხომ არ უჭირავსო, დაახლოებით ასე გამოუვიდა. სერგო რატიანი - ხელისუფლების ვალდებულებაა, ყველაფერი გააკეთონ, რომ მშვიდ ვითარებაში ჩატარდეს ფილმის „და ჩვენ ვიცეკვეთ" ჩვენება და ვერავინ გაბედოს ძალადობა. დიმიტრი ლორთქიფანიძემ ფილმის „და ჩვენ ვიცეკვეთ“ ჩვენების აკრძალვის მოთხოვნით შინაგან საქმეთა სამინისტროს მიმართა. შსს - ფილმის „და ჩვენ ვიცეკვეთ“ პრემიერის დროს საზოგადოებრივი უსაფრთხოებისა და თითოეული ადამიანის გამოხატვის თავისუფლების დაცვას უზრუნველვყოფთ. საპატრიარქო ფილმზე „და ჩვენ ვიცეკვეთ“ - მიუღებლად მიგვაჩნია ასეთი ფილმის კინო-თეატრებში ჩვენება, თუმცა ვემიჯნებით ძალადობას და ძალადობრივ ქმედებებს.

      დაზარალებული თვალი - მაკო გომური - დღეს დამირეკეს და ექსპერტიზის შეკითხვა გადმომცეს - დაკარგე თუ არა ჯანსაღი თვალიო - ანუ მინუს 30 რომ მქონოდა, ჯანდაბას, მაინც მოსაშორებელი თვალი იყო?

      მოსამართლეთა კომიკური შერჩევა - რომან გოცირიძე უზენაესი სასამართლოს მოსამართლეობის კანდიდატს - მოსამართლეობის გამოცდილება არ გაქვთ, ხომ არ ჯობდა, უფრო დაბალი ინსტანციის მოსამართლეობიდან დაგეწყოთ? რომან გოცირიძე მოსამართლეობის კანდიდატს- რომ არა თქვენი მუშაობა მიხეილ ჩინჩალაძესთან, მოხვდებოდით ამ 20-კაციან სიაში? ეკა ბესელია მოსამართლეობის კანდიდატს - რატომ გვიჭირს სახელის დარქმევა, როდესაც ამ უბედური სისტემის ავტორებიც კი ვეღარ უარყოფენ, როგორი სასამართლო იყო. რომან გოცირიძე მოსამართლეობის კანდიდატს - გაქვთ ბილეთი, შედიხართ დარბაზში და ვიღაცას თქვენი ადგილი აქვს დაკავებული, კომბლები სახლში აქვს დატოვებული და შლის სეანსს - როგორ უნდა მოიქცეს ხელისუფლება? ეკა ბესელია ქეთევან ცინცაძეს - საჩივარი გადმოგიგზავნეთ მეთოფიშვილთან და გვრიტიშვილთან დაკავშირებით, 8 თვეა გასული, არ მითხრათ, რომ მოსამართლეების არაეთიკური ქცევა ვერ იპოვეთ.

      ხელფასის მინიმუმი - პარლამენტში მინიმალური ხელფასის თაობაზე კანონპროექტი დარეგისტრირდა. ბექა ნაცვლიშვილი - მინიმალური ხელფასის დადგენა სულ მცირე 229 ათასი ადამიანის მდგომარეობას გააუმჯობესებდა.

      დებატები - ზურაბ ჯაფარიძე კახა კალაძეს „შმაქსზე" და ტაქსების რეფორმაზე სასაუბროდ დებატებში იწვევს.

      საფულე პროექტი - ივანე მაჭავარიანი წყალტუბოს პროექტზე - არ არის აუცილებელი, ადამიანი იყოს ეკონომისტი ან ბიზნესმენი, რომ მიხვდეს, რამდენად მასშტაბურ და მნიშვნელოვან ინიციატივასთან გვაქვს საქმე. მაია ცქიტიშვილის ინფორმაციით, „ანაკლიის განვითარების კონსორციუმს“ ახალი ინვესტორი ჯერჯერობით არ წარუდგენია.

      საერთაშორისო კონფერენცია - ბათუმში თავდაცვისა და უსაფრთხოების კონფერენციის დაწყებამდე საევაკუაციო სიგნალის ჩართვის გამო, ღონისძიების მონაწილეებმა სხდომათა დარბაზი დატოვეს. ბათუმში თავდაცვის და უსაფრთხოების საერთაშორისო კონფერენცია გაიხსნა. სალომე ზურაბიშვილი - საქართველო არც ისე შორს არის, რეგიონის ე.წ. კრიზისული თაღისგან, სადაც ომი, ტერორიზმი, შიდა პოლიტიკური არეულობა ან მიგრაცია საფრთხეს უქმნის მშვიდობას. საქართველოს მთავარ გამოწვევად რჩება ოკუპირებული ტერიტორიები, ქვეყნის ტერიტორიის 20%-ზე კონტროლის არ ქონა. ირაკლი ღარიბაშვილი ამერიკელ კონგრესმენებს შეხვდა. სალომე ზურაბიშვილი - ბოლო დღეებში ვიხილეთ თავდასხმა საქართველოს ეკლესიაზე და მის ლიდერზე, საბედნიეროდ, ასეთ გამოწვევაზე საზოგადოების კონსოლიდირებულმა რეაქციამ დაადასტურა მისი მოწიფულობა. ბათუმის და ფოთის პორტებში ნატო-ს გემების შემოსვლა მყარი მხარდაჭერის მაჩვენებელია. ამერიკელი კონგრესმენი - „დემოკრატები“ და „რესპუბლიკელები“ რაღაცებზე ვერ ვთანხმდებით ხოლმე, მაგრამ როდესაც საქმე საქართველოს ეხება, ჩვენ ერთიანები ვართ. არჩილ თალაკვაძე უცხოელ პარტნიორებს - მსურს, გადმოგცეთ გზავნილი, რომ საქართველო რჩება მომავალზე ორიენტირებულ სახელმწიფოდ და ქმნის საერთო ღირებულებებზე დაფუძნებულ საუკეთესო მომავალს. ირაკლი ღარიბაშვილი - ჩვენი სიძლიერე ჩვენს ერთობაშია როგორც ქვეყნის შიგნით, ასევე საერთაშორისო პარტნიორებთან. ამერიკელი კონგრესმენი - გვწამს, რომ საქართველო უნდა იყოს ნატო-ს პარტნიორი. არჩილ თალაკვაძე - გვწამს, ჩვენი პარტნიორები კრემლს გადასცემენ გზავნილს, რომ ევროპაში საზღვრების შეცვლა ოკუპაციისა და აგრესიის გზით მიუღებელია. ელიზაბეთ რუდი - ჩვენ მხარს ვუჭერთ საქართველოს თავდაცვის ინსტიტუციების გაძლიერებას. აშშ მტკიცედ უჭერს მხარს საქართველოში მედიის თავისუფლების მეტად გაძლიერებას. არჩილ თალაკვაძე - ჩვენმა პარტნიორებმა მკაფიო მესიჯები გააჟღერეს, თქვეს, რომ საქართველოს ძლიერი მხარდაჭერა აქვს. როზარია პუგლისი - საქართველოს უსაფრთხოებისთვის მთავარი გამოწვევა რუსი ჯარისკაცების ყოფნაა თქვენს ტერიტორიაზე - ჩვენ გეხმარებით, რომ დაიცვათ თავი. როზარია პუგლისი რასმუსენის ინიციატივაზე - ეს საკითხი ნატოს დღის წესრიგში არ დგას, რადგან მე-5 მუხლი მთავარი ელემენტია და ჩვენ ვაღიარებთ მის მნიშვნელობას.

საზღვარგარეთულები:

      ირანი და ბირთვული იარაღი - ირანი "ფორდოუს" ბირთვულ ქარხანაში ცენტრიფუგებში ურანიუმის გაზის შეყვანას იწყებს. ბენიამინ ნეთანიაჰუ - ირანი ყველა მიმართულებით აფართოებს აგრესიას, მას უნდა ისრაელი გაანადგუროს.

      კლიმატი - 11 000 მკვლევარი მიმართვას ავრცელებს და აღნიშნავს, რომ კლიმატის ცვლილება კაცობრიობის „წარმოუდგენელ ტანჯვას“ გამოიწვევს.

      ვიკიპედიის რუსული ალტერნატივა - ვლადიმერ პუტინი „ვიკიპედიის“ რუსული, უფრო „სანდო“ ვერსიის შექმნის ინიციატივით გამოდის. სერგეი ლავროვი - რუსული მედიასაშუალებების მიმართ ბევრ ქვეყანაში მტრული დამოკიდებულება აქვთ და არ ენდობიან.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 117

ტეგები: qwellynews, ამბები, ბლოგი, ნიუსები, ნოემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Gradient Media in Biomedical Investigate

გამოაქვეყნა EFTcheat_მ.
თარიღი: მარტი 26, 2024.
საათი: 11:30pm 0 კომენტარი







In the realm of biomedical study, the quest for precise separation and isolation methods has led scientists to explore revolutionary solutions. Among these, Axis-Protect Density Gradient Media stands out to be a formidable Device, revolutionizing the best way we isolate cells, organelles, and particles in various applications starting from medical diagnostics to standard analysis.



Density gradient centrifugation has extended been a cornerstone system in Organic…

გაგრძელება

კანონი ოჯახური ღირებულებებით და საუმცირესობოდ, ხელმომწერების მარში და პრემიერი სომხეთში

გამოაქვეყნა Giorgi_მ.
თარიღი: მარტი 25, 2024.
საათი: 11:32pm 0 კომენტარი

დღეს საქართველოს ეკლესიის ავტოკეფალიის აღდგენის დღეა. ცხადია, ამ საკითხზე ტრადიციული მილოცვები გავრცელდა. თუმცა დღის მთავარ თემად კვლავ პოლიტიკური ამბები ლიდერობდა და საარჩევნო წელს, არჩევნებისთვის მოფიქრებული და რედაქტირებული კანონები. გამორჩეული იყო ოჯახური ღირებულებებით წარმოდგენილი კანონპროექტი ლჯბთ თემის უფლებების შემცირებით, ასევე, საარჩევნო ბარიერები, უმცირესობათა დღესასწაულები და ა.შ. დღის მთავარი…

გაგრძელება

Qwelly World

free counters