წმინდა სინოდის გადაწყვეტილებით, ბოდბელი მთავარეპისკოპოსი დავითი თავისივე თხოვნით პენსიაზე გავიდა და მის ადგილას მარტყოფისა და გარდაბნის ყოფილი ეპიოსკოპოსი და პატრიარქის ქორეპისკოპოსი იაკობ იაკობიშვილი დაინიშნა. ეპისკოპოსი იაკობი დღეიდან ბოდბელ ეპისკოპოსად იწოდება. მისი ეპარქია, გარდაბნისა და მარტყოფის ეპარქია კი, ისევ მცხეთა- თბილისის ეპარქიას შეუერთდა. აღნიშნული ეპარქია უწმინდესსა და უნეტარესს, სრულიად საქართველოს კათოლიკოს-პატრიარქს ილია მეორეს ექვემდებარება.

მეორე საკითხი, რომელზეც მღვდელთმთავრებმა სხდომაზე იმსჯელეს, ეპარქიებში არსებული მდგომარეობა იყო. გადაწყდა, რომ გაძლიერდება კულტურული, საგანმანათლებლო, სოციალური და სხვა კუთხით საქმიანობა.

წმინდა სინოდის დღევანდელი სხდომის მდივანი ფოთისა და ხობის მიტროპოლიტი გრიგოლი იყო.