პიარით პიარი, წასვლა-დარჩენა ჯანდამცველისა და განათლება ბლოკჩეინებზე

      დღე ძალზედ უინტერესო და უსიამოვნოდ ჩაივლიდა ნიუსლენტებისთვის, რომ არა მონდომებული რაგბისტების გამარჯვება ფიჯის ნაკრების წინააღდეგ. დღის ეს ბოლო სასიხარულო ამბავი, სულ რამდენიმე წუთს ითვლის. იქამდე კი მთელი დღე ვისამე უფლებების თუ თავისუფლების თუ ახირებული სურვილების შევიწროებაზე საუბრობდნენ, ასევე ვერ გადაწყვიტეს მიდის თუ რჩება ჯანდამცველი მინისტრი, იყო საგანმანათლებლო ახალი ამბებიც.

საქართველოს და მსოფლიოს ამბები / 17 ივნისი, 2019/

      წარმატებული რაგბი - საქართველოს 20 წლამდე მორაგბეთა ნაკრებმა მსოფლიოს ჩემპიონატზე ფიჯი 12:8 დაამარცხა.

      პიარი და პიარის პიარი - ზუგდიდის ბულვარში გააკრეს პლაკატები: „არა ლგბტ პროპაგანდას საქართველოში“. შსს-მ სახალხო რაზმების პატრულირების შესახებ ლევან ვასაძის განცხადებაზე გამოძიება დაიწყო. თამარ ხულორდავა ლევან ვასაძის განცხადებაზე - მოწოდება, რაც გუშინ ისმოდა, ცალსახად არის ძალადობისკენ მოწოდება. ნინო ლომჯარია შსს-ს მოუწოდებს, სახალხო დამცველის მოადგილეებზე განხორციელებულ მუქარასა და იძულებაზე გამოძიება დაიწყოს. ნათია მეზვრიშვილი - არ ვიცი, რაინდი ვინ არის, მაგრამ ყველას მიმართ, ვინც ხელს აღმართავს პოლიციელზე, მკაცრი რეაგირება იქნება. დიმიტრი ცქიტიშვილი - საკმაოდ საშიში განცხადებებია, მოწოდება ძალადობისკენ და ამას სახელმწიფომ ადეკვატური პასუხი უნდა გასცეს. თინა ხიდაშელის განცხადებით, ლევან ვასაძესთან დაკავშირებით შსს-მ გამოძიების დაწყება „მინიმუმ ორი წლით დააგვიანა“. თინა ხიდაშელი ლევან ვასაძის განცხადებებზე - ეს აღარ არის თეორიული მუქარა, ეს განხორციელებული მუქარაა, რომლის უკან მილიონერი დგას. ბექა ნაცვლიშვილი - როდესაც საზოგადოებრივ ჯგუფებს მართლწესრიგის დამყარების პრეტენზია აქვთ, ეს არის მთავრობის სრული დელეგიტიმაცია. ლევან კობერიძე - ლევან ვასაძე ისეთ თანამდებობაზე, ისეთ კომპანიაში მუშაობდა, რომ ჩემთვის წარმოუდგენელია, მას არ ჰქონდეს პირდაპირი კავშირი რუსულ სპეცსამსახურებთან. ემზარ კვიციანი - ლევან ვასაძემ ქართველებს იმედი გაგვიჩინა, თუმცა ფიცი თუ არ დაიდო, ამ გაერთიანებას დიდი დღე არ უწერია - მე ჩავეწერე სიაში. რომან გოცირიძე ლევან ვასაძის განცხადებებზე - კეთილი ინებოს ხელისუფლებამ და აუხსნას საზოგადოებას, რატომ აფარებს ხელს ყოველ მსგავს აგრესიულ გამოვლინებას. მამუკა ბახტაძე - ვინც სამართლებრივი ჩარჩოებიდან გავა, ის პასუხს აგებს კანონის წინაშე. მაია ცქიტიშვილის შეფასებით, ნებისმიერი განცხადება, რომელიც სახელმწიფოს როლის რაიმე სახით შეთავსებას ეხება, დანაშაულის ნიშნებს შეიცავს. სახალხო დამცველი - თუ ვერის ბაღში გამართული აქციის მოწოდებები პრაქტიკაში რეალიზდება, საფრთხე შეექმნება როგორც ადამიანთა უფლებებს, ასევე, სახელმწიფოს კონსტიტუციურ წესრიგს. დავით ზალკალიანი ლევან ვასაძის ორგანიზებულ შეკრებაზე გაკეთებულ განცხადებებზე - ეს არ არის თანხვედრაში საქართველოს საგარეო პოლიტიკურ პრიორიტეტებთან. სალომე სამადაშვილი - როდესაც სახელმწიფო ვერ იცავს მოქალაქის თვითგამოხატვის უფლებას, ეს საფრთხეს უქმნის ყველას. გურამ და ალექსანდრე ფალავანდიშვილებს შსს-ს თანამშრომლებმა გამოკითხვაზე დაბარების უწყებები ვერის ბაღში მიუტანეს. ნინო ლომჯარია „პრაიდთან“ დაკავშირებით შსს-ში გამართულ შეხვედრაზე - შსს-ს პირდაპირი პოზიცია იყო, რომ საჯარო სივრცეში შეკრების უზრუნველყოფა არ იყო მიზანშეწონილი. ნინო ლომჯარიას განცხადებით, შინაგან საქმეთა სამინისტრომ ლგბტ აქტივისტებს პრაიდის ჩატარებაზე უარი უთხრა. ნინო ლომჯარია - ფაქტია, რომ ლგბტ თემს ამ ქვეყანაში არ აქვს თავისუფალი შეკრების შესაძლებლობა. საპატრიარქო - ნათელია, რომ არაერთ ძალას სურს, ჩვენთან არსებული LGBT მცირე ჯგუფი გამოიყენოს გარკვეული მიზნებისათვის. ამ მიზნებში პოლიტიკური ორიენტირებიც იკვეთება და ეკლესიის სახელის შელახვის სურვილიც. ხელისუფლების ვალია, მიიღოს ზომები ქვეყანაში სიმშვიდის დასაცავად. ლგბტ ჯგუფების აქტივობების ორგანიზატორები და ხელშემწყობნი იმ ძალების წისქვილზე ასხამენ წყალს, რომლებიც ქვეყნის დასავლურ ორიენტაციას ეწინააღმდეგებიან. არაერთ ძალას სურს ლგბტ მცირე ჯგუფი გამოიყენოს გარკვეული მიზნებისათვის, ამ მიზნებში პოლიტიკური ორიენტირებიც იკვეთება და ეკლესიის სახელის შელახვის სურვილიც. ირაკლი კობახიძე - აგრესია და სიძულვილი მიუღებელია, მით უმეტეს, როდესაც ეს ყველაფერი კეთდება რელიგიური კონტექსტით. ლევან ვასაძე - პატრულირებას ვაუქმებთ, ჩვენი შს სამინისტროს პატივისცემითა და მადლიერებით. ლევან ვასაძის განცხადებებთან დაკავშირებით დაწყებული გამოძიების ფარგლებში დიღმის სამმართველოში 8 პირის გამოკითხვა მიმდინარეობს. გია ხუხაშვილი პრაიდის თემაზე - ეს არის „შეკეთებული“ თემა, რომელიც გავლენის აგენტების ნამუშევარია.

      ორჭოფობა ან ჭორაობა გადადგომაზე - დიმიტრი ცქიტიშვილი დავით სერგეენკოს შესაძლო გადადგომაზე - ვერ დაგიდასტურებთ, არ მაქვს ინფორმაცია. ზურაბ ჭიაბერაშვილი - „ქართული ოცნების" პირობებში, მინისტრების ცვლილება ჯანდაცვის სფეროში არსებულ პრობლემებს ვერაფერს უშველის. მირიან წიკლაური - დავით სერგეენკოს საქმიანობა ნამდვილად იყო მოღვაწეობა - ასეთი წარმატებული მინისტრის თანამდებობიდან ჩამოცილება, საქმეს არ წაადგება. ბექა ნაცვლიშვილი - დავით სერგეენკო „კლანურ“ დაპირისპირებაში დამარცხდა. რომან გოცირიძე - როგორც ჩანს, ბიძინა ივანიშვილმა სიყვარულის რესურსი ამოწურა და დავით სერგეენკო მიდის. ლევან კობერიძე სერგეენკოს მიერ პოსტის შესაძლო დატოვებაზე - რასაც ვუყურებ, ერთი რამ შეიმჩნევა, რომ აშკარაა გარკვეულ ჯგუფებს შორის ფარული დაპირისპირებები. მაია ცქიტიშვილი - დავით სერგეენკო არის ჩვენი გუნდის წევრი. მაია ცქიტიშვილის შეფასებით, სამთავრობო და პრემიერის ცვლილებაზე მუდმივი ჭორების გავრცელება ქვეყნის კეთილდღეობას არ ემსახურება. გია ვოლსკი დავით სერგეენკოს შესაძლო გადადგომაზე - ვერ ვიტყვი, რომ საბოლოო გადაწყვეტილება უკვე მიღებულია. პრემიერი - რატომ ფიქრობთ, რომ სერგეენკოს შეხედულებები დაუძველდა? ახალი სისხლი ყოველთვის საჭიროა.

      ლარიანი საქართველო - 5 წელში, სახელმწიფომ 1 ლარად 95 მილიონ ლარზე მეტი ღირებულების არასასოფლო-სამეურნეო დანიშნულების მიწის ნაკვეთი გაყიდა. მიწა, რომელიც „ბიგ სერვისმა“ ქუთაისში ელექტრომობილების ქარხნის მშენებლობისთვის 1 ლარად იყიდა, 68 მილიონ ლარზე მეტი ღირს.

      წადით სახლში, მასწავლებლებო! - სამსახურიდან წასვლის მსურველი საპენსიო ასაკის პედაგოგებისთვის, ბიუჯეტიდან რამდენიმე ათეული მილიონი ლარი გაიცემა.

      ანაკლიის მისასვლელები - ანაკლიის ღრმაწყლოვან ნავსადგურთან მისასვლელი 18 კმ-იანი საავტომობილო გზისა და რკინიგზის პროექტირება მიმდინარეობს.

      დუმელები საქართველოში - გიორგი კანდელაკი - დუმის დეპუტატების საქართველოში შემოსვლა არასასურველია და ზიანს მიაყენებს ქვეყნის სუვერენიტეტს. „ნაცმოძრაობა" მართლმადიდებლობის საპარლამენტო ასამბლეის სხდომაში მონაწილეობას არ მიიღებს და მოითხოვს, დუმის დეპუტატი გავრილოვი საქართველოში არ შემოუშვან. ზაქარია ქუცნაშვილი - არ ვაპირებთ მართლმადიდებლურ სამყაროს გავემიჯნოთ იმიტომ, რომ ეს სურს „ნაციონალურ მოძრაობას".

      განათლება ბლოკჩეინებზე - მიხეილ ბატიაშვილი - საქართველო იქნება ერთ-ერთი პირველი ქვეყანა, რომელიც იზრუნებს, განათლების სისტემა გადავიდეს მოწინავე მესამე თაობის ბლოკჩეინ ტექნოლოგიებზე. მამუკა ბახტაძე - მსოფლიო ბანკი საქართველოს განათლების სისტემისთვის 90 მილიონ ევროს გამოყოფს. ოკუპირებულ ტერიტორიებზე მცხოვრებ სტუდენტებს, რომლებიც ქართულ უნივერსიტეტებში სწავლის სურვილს გამოთქვამენ, სახელმწიფო დააფინანსებს. მიხეილ ჩხენკელი - განათლების რეფორმის მიმართულებით პრემიერ-მინისტრის ინიციატივა ჩვენი ამერიკელი კოლეგების განსაკუთრებულ ინტერესს წარმოადგენს.

      პენსია ფონდებში - მამუკა ბახტაძე - საპენსიო ფონდებს ალტერნატივა არ აქვს.

      უცნაური შესაძლებლობები - ყანდაურაში მოკლულების ოჯახის წევრი - ვინმეს უკვირს, თუ იარაღზე ომარ გამყრელიძეს დნმ არ აღმოჩნდა? - მოხუცი ნივთებსაც ვერ იჭერდა და 5 ადამიანს დამიზნებით ესროლა?

საზღვარგარეთულები:

      ნარჩენები ოკეანეში - „დიდი ოცეულის“ სამიტზე მსოფლიო ოკეანეში პოლიეთილენის ნარჩენების შემცირების პირველ საერთაშორისო შეთანხმებას მიაღწიეს.

      გარდაცვალება სასამართლოში - ეგვიპტის ყოფილი პრეზიდენტი მუჰამედ მურსი სასამართლოს სხდომაზე გარდაიცვალა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 141

ტეგები: qwellynews, ამბები, ბლოგი, ივნისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Gradient Media in Biomedical Investigate

გამოაქვეყნა EFTcheat_მ.
თარიღი: მარტი 26, 2024.
საათი: 11:30pm 0 კომენტარი







In the realm of biomedical study, the quest for precise separation and isolation methods has led scientists to explore revolutionary solutions. Among these, Axis-Protect Density Gradient Media stands out to be a formidable Device, revolutionizing the best way we isolate cells, organelles, and particles in various applications starting from medical diagnostics to standard analysis.



Density gradient centrifugation has extended been a cornerstone system in Organic…

გაგრძელება

კანონი ოჯახური ღირებულებებით და საუმცირესობოდ, ხელმომწერების მარში და პრემიერი სომხეთში

გამოაქვეყნა Giorgi_მ.
თარიღი: მარტი 25, 2024.
საათი: 11:32pm 0 კომენტარი

დღეს საქართველოს ეკლესიის ავტოკეფალიის აღდგენის დღეა. ცხადია, ამ საკითხზე ტრადიციული მილოცვები გავრცელდა. თუმცა დღის მთავარ თემად კვლავ პოლიტიკური ამბები ლიდერობდა და საარჩევნო წელს, არჩევნებისთვის მოფიქრებული და რედაქტირებული კანონები. გამორჩეული იყო ოჯახური ღირებულებებით წარმოდგენილი კანონპროექტი ლჯბთ თემის უფლებების შემცირებით, ასევე, საარჩევნო ბარიერები, უმცირესობათა დღესასწაულები და ა.შ. დღის მთავარი…

გაგრძელება

Qwelly World

free counters