წვიმიანი და სუსხიანი ამინდის მოლოდინში, აპრილი განსაკუთრებული სითბოთი მიდის. მართალია ხვალიდან წვიმა გვიწინასწარმეტყველეს, მაგრამ დღევანდელ საღამოს წვიმა პარიზს სჭირდება! მთელი დღის სიახლეები გადაფარა მთელი მსოფლიოსთვის ტრაგიკულმა ამბავმა - პარიზის ღმრთისმშობლის ტაძარს ცეცხლი გაუჩნდა და ამ დრომდე ვერ ახერხებენ ჩაქრობას. საქართველოში კი მთელი დღის განმავლობაში მოსამართლეების ამბები ისმოდა.

საქართველოს და მსოფლიოს ამბები / 15 აპრილი, 2019/

      მოსამართლეების არჩევა - მოსამართლეების არჩევის წესის გასაპროტესტებლად, არასამთავრობოები პარლამენტში მაისურებზე წარწერით „კლანი უნდა წავიდეს“ მივიდნენ. უზენაესი სასამართლოს მოსამართლეების არჩევის წესთან დაკავშირებით, ვენეციის კომისიის დასკვნა ხვალ გახდება ცნობილი. გია ვოლსკი კანონპროექტზე - სამართლებრივი რეგულაციების კუთხით მოსამართლეების შესახებ პროექტს არანაირი ხინჯი არ გააჩნია, დარწმუნებული ვარ, ამას ვენეციის კომისიაც აღიარებს. თინა ბოკუჩავა - „ქართული ოცნების“ ამოცანაა, ივანიშვილის დავალებით, სასამართლო ხელისუფლებაში მურუსიძე-ჩინჩალაძის „კლანის“ მმართველობა შეინარჩუნონ. მამუკა მდინარაძე - 7 მოსამართლეა დარჩენილი, უზენაესი სასამართლო პრაქტიკულად აღარ არის. არჩილ თალაკვაძე - ოპოზიციასთან ერთად აუცილებლად გვექნება ვენეციის კომისიის რეკომენდაციების განხილვა. „ქართული ოცნების“ წევრების ინფორმაციით, უზენაეს სასამართლოში მოსამართლეთა სიმცირე სერიოზული პრობლემაა და ამიტომ კანონპროექტის გადადება არ უნდა მოხდეს. ომბუდსმენი, ინსტიტუტის არსებობის მანძილზე პირველად, დეპუტატებს მოსამართლეთა არჩევის წესთან დაკავშირებულ პროექტზე მოხსენებით მიმართავს. ეკა ბესელია უმრავლესობას მოსამართლეთა შერჩევაზე - თქვენ ვერ ხედავთ, რამდენად სახიფათოა პოლიტიკურად იმ მომენტების ვერ შეგრძნება, რაც ამ პროცესს ახლავს. გიგა ბოკერია უმრავლესობას - მართლა ვერ ხვდებით, როგორი პრობლემაა, როცა ნულოვანი კონსენსუსია უზენაესი სასამართლოს ფუნდამენტური დაკომპლექტების წესზე? ეკა ბესელიამ პროტესტის ნიშნად იურიდიულ საკითხთა კომიტეტის სხდომა დატოვა. გიორგი მშვენიერაძე მოსამართლეების შერჩევის შესახებ - ხელისუფლება აპირებს პროცესი ჩაკეტოს, რათა მოახერხოს სასურველი ნორმების გატანა კანონის სახით. ანრი ოხანაშვილი ოპოზიციას - ერთ დღეში რომ ცვლიდით კანონპროექტს ხომ არ დაგავიწყდათ? გიგა ბოკერია ანრი ოხანაშვილს - არ გემორჩილებით, ამბოხებას აქვს ადგილი. შალვა შავგულიძე მოსამართლეების არჩევაზე - სასაცილო იქნებოდა სატირალი რომ არ იყოს, თუ რა პოზიციის გატანას ცდილობს იურიდიულ საკითხთა კომიტეტის უმრავლესობა. ირაკლი კობახიძე - ვენეციის კომისიის დასკვნის შემდგომ ის კითხვები მოიხსნება, რომელიც ოპონენტებისგან ისმის. ხანგრძლივი კამათის შემდეგ, იურიდიულმა კომიტეტმა მოსამართლეების შერჩევასთან დაკავშირებული საკითხი დღის წესრიგში შეიტანა. სოფო ვერძეული უმრავლესობას - მინიმალურ კეთილგონიერებას არ იჩენთ, ძალაუფლება ისე გამოიყენოთ, რომ სამართლიანი თამაშის წესები მაინც გვაგრძნობინოთ. ირაკლი კობახიძე გამორიცხავს, რომ შესაძლოა, უზენაესი სასამართლოს თავმჯდომარის პოსტზე გადაინაცვლოს. არჩილ თალაკვაძე - ვინც ცდილობს, რომ სამოქალაქო საზოგადოების შეფასებებს და ვენეციის კომისიის დასკვნას შორის ტოლობის ნიშანი დასვას, არასწორია. სულხან სალაძე მმართველ გუნდს - პლენარულ სხდომაზე საპროტესტო დროშებს ხომ არ გადმოვფენთ? - ნუ აქცევთ პროცესს ფორმალობად. გიგა ბოკერია უმრავლესობას - ფეხებზე გკიდიათ კონსენსუსის მიღწევის შანსი. ანა დოლიძე - უმრავლესობა უფრთხის ვენეციის კომისიის პოზიციას, ლაჩრულად იქცევა. ოთარ კახიძე დარწმუნებულია, რომ მოსამართლეობის კანდიდატებისთვის საკვალიფიკაციო გამოცდების შემოღება არასასურველი კანდიდატების დაბლოკვის მიზნით ხდება. ლევან სამუშია უმრავლესობას - გეპარებათ თუ არა ეჭვი იუსტიციის საბჭოს კეთილსინდისიერებაში და არსებული მოსამართლეების გამოცდებთან დაკავშირებით? ანა დოლიძე - უმრავლესობა ვენეციის კომისიის დასკვნის დალოდების გარეშე მიაქანებს მოსამართლეების კანონპროექტს წინ. ეკა ბესელია მოსამართლეების შერჩევის წესზე - არ შეიძლება ასე წყვეტდე საკითხებს და არ გესმოდეს შენი ხალხის ხმა. ირაკლი კობახიძე - ვენეციის კომისიის დასკვნას კანონპროექტთან დაკავშირებით ხვალისთვის ველოდებით, რაც მოგვცემს საშუალებას, რომ პარასკევამდე სრულად ავსახოთ ყველა შესაბამისი რეკომენდაცია. ირაკლი აბესაძე - ივანიშვილს მოსწონს სასამართლოში არსებული სტატუს-კვო, „კლანის“ მმართველობა, რომელიც მისდამი მორჩილია. გიორგი მიქაუტაძის განცხადებით, პირველად ესმის ინფორმაცია, რომ ზოგიერთ მოსამართლეს კაბინეტში უცენზურო ფოტოები დაახვედრეს. ანრი ოხანაშვილი - პლენარულ სხდომაზე გვექნება შესაძლებლობა, ვენეციის კომისიის რეკომენდაციებს დავუბრუნდეთ, ვიმსჯელოთ და შესაბამისად, გავითვალისწინოთ. გიორგი მიქაუტაძე - ფაქტობრივად, უზენაეს სასამართლოში სამართალწარმოების პროცესი ძალიან მალე შეიძლება აღარც წარიმართოს, რადგან სულ უფრო მცირე ხდება მოსამართლეების რიცხვი. ლევან გოგიჩაიშვილის შეფასებით, უმრავლესობამ მოსამართლეების შესახებ კანონპროექტის განხილვის პროცესში ვენეციის კომისია ანტურაჟად და ფონად ჩართო. ეკა ბესელია - თავად ირაკლი კობახიძის პროგნოზები და პოლიტიკური განჭვრეტაა მინუსებში წასული და ეს არაერთხელ ვნახეთ, მათ შორის ბოლო არჩევნებზე. ოთარ კახიძე - „ქართულმა ოცნებამ“ ბიძინა ივანიშვილის დავალებით, საბოლოოდ გადაწყვიტა, რომ უზენაესი სასამართლო ბოლომდე დაუქვემდებაროს მურუსიძე-ჩინჩალაძის კლანს.

      კომფლიქტური სკოლები - 8 თვეში სკოლებში 2 ათასზე მეტი კონფლიქტური სიტუაცია დაფიქსირდა, საიდანაც 374 შემთხვევაში პოლიცია გამოიძახეს. სექტემბრიდან აპრილამდე სკოლებიდან ამოღებულია 800-ზე მეტი აკრძალული ნივთი, რომელთა შორისაა ცეცხლსასროლი იარაღი, ნარკოტიკი, ელექტროშოკი და კასტეტი.

      თბილისის მართვა - ირაკლი ლექვინაძე - 10-ზე მეტმა კომპანიამ მოგვმართა, რომელიც მიიჩნევს, რომ თბილისის ახალი გენგეგმით განსაზღვრული ზონირების გამო პრობლემები შეექმნა. კახა კალაძე - ტაქსის მძღოლებთან დაკავშირებით კომუნიკაციის პრობლემა არ არის, მათთან შეხვედრა გვექნება, თუმცა რეფორმა, რომელიც დავიწყეთ, მნიშვნელოვანია.

      ბიზნესის მცველი - ბიზნესომბუდსმენი - თამბაქოს კონტროლის ახალმა რეგულაციებმა თამბაქოს რეალიზაცია 30-40%-ით შეამცირა.

      მოზრდილი ბავშვები - საგარეო უწყება ცეკვის ანსამბლ „გორდას“ ისრაელში არშეშვებაზე - საეჭვო გახდა ის, რომ ანსამბლი საბავშვო ფესტივალზე მიდიოდა და 17 წევრიდან მხოლოდ 5 იყო ბავშვი. ქართული ცეკვის ანსამბლის „გორდა“ ნაწილი ისარელიდან საქართველოში დღეს დაბრუნდება.

      ექსპორტის ზრდა - საგარეო უწყება ცეკვის ანსამბლ „გორდას“ ისრაელში არშეშვებაზე - საეჭვო გახდა ის, რომ ანსამბლი საბავშვო ფესტივალზე მიდიოდა და 17 წევრიდან მხოლოდ 5 იყო ბავშვი.

      საქართველოს დამცველთა ყრილობა - კახა კალაძე - გული მწყდება, რომ „დაიცავი საქართველოს“ ყრილობაზე დავინახე ის ადამიანები, ვინც ჩვენთან ერთად იბრძოდა. ეკა ბესელია - რა დროს ბარიერზე საუბარია, „დაიცავი საქართველო“ პოლიტიკური პარტია კი არა, საზოგადოებრივი ორგანიზაციაა. დავით მაღრაძე ირაკლი კობახიძეს – “ქართული ოცნება“ რა პროცენტებს მიიღებს, იმაზე იფიქროს ურჩევნია - წითელ და მწვანე ღილაკებში გაერკვნენ.

საზღვარგარეთულები:

      იწვის პარიზი! - პარიზის ღვთისმშობლის ტაძარში ხანძარი შესაძლოა, სარესტავრაციო სამუშაოებს უკავშირდებოდეს. პარიზის ღვთისმშობლის ტაძრის შპილი ჩამოინგრა. „როიტერსი“ თვითმხილველებზე დაყრდნობით იუწყება, რომ პარიზის ღვთისმშობლის ტაძრის სახურავი სრულად ჩამოინგრა. ემანუელ მაკრონი - როგორც ყველა ფრანგი, დღეს დამწუხრებული ვარ იმით, რომ ჩვენი ნაწილი იწვის. მსოფლიოს ლიდერები პარიზის ღვთისმშობლის ტაძარში ხანძარს ეხმაურებიან. - საზარელი სანახავია მასიური ხანძარი, რომელიც ნოტრ-დამში გაჩნდა. შესაძლოა სპეციალური ვერტმფრენების გამოყენებით მოხდეს მისი ჩაქრობა. სწრაფად მოქმედებაა საჭირო - წერს ტრამპი ტვიტერზე. „ნოტრ-დამი რწმენის სიმბოლოა. გული მტკივა, როდესაც ვხედავ, რომ ღვთის სახლი ალშია”,- აღნიშნა მაიკ პენსმა.

      პრობლემები ვენესუელაში - ხუან გუაიდო - ვენესუელაში რუსი და კუბელი სამხედროები უკანონოდ იმყოფებიან.

      ტრამპისთვის შეწირული მილიონები - 2019 წლის პირველ კვარტალში, 2020 წლის საპრეზიდენტო არჩევნების კამპანიისთვის, დონალდ ტრამპმა 30 მილიონ დოლარზე მეტი შემოწირულება მიიღო.

      ასანჟის საქმე - ეკვადორის პრეზიდენტი - ჯულიან ასანჟი ჩვენს საელჩოს შპიონაჟისთვის იყენებდა და სხვა ქვეყნების შიდა საქმეებში ჩარევას ცდილობდა.

      ისრაელის არჩევნები - ისრაელის პრეზიდენტმა იმ პარტიებთან დაიწყო კონსულტაციები, რომლებიც არჩევნების შედეგად პარლამენტში მოხვდნენ.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 47

ტეგები: qwellynews, ამბები, აპრილი, ბლოგი, ნიუსები, სიახლეები

Kakha: აპრილი 16, 2019||1:07pm

რუსი ჯარისკაცები რომ ვენესუელის ოკუპაციას დააპირებენ )) სამყარო ნათელ ფერებშია!

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მაყურებლების ანტი მაყურებლები - უჩვეულო კინოჩვენება, წყალტუბო და ანაკლია, მაღაროელების ახალი გაფიცვები და მოსამართლეთა კომპეტენცია

გამოაქვეყნა Giorgi_მ.
თარიღი: ნოემბერი 11, 2019.
საათი: 8:39pm 0 კომენტარი

      ნოემბრის ახალი კვირის დასაწყისი უქმეების და კულტურის განხილვით დაიწყო - ფილმი პრემიერა იმაზე უფრო ხმაური გამოდგა, ვიდრე ეს ფილმი თავად მოიფიქრებდა (ან იქნება, ამიტომაც გადაიღეს რომ ეხმაურა). დღის…

გაგრძელება

მარგალიტები სიდამპლეში

გამოაქვეყნა Tamila Moshiashvili_მ.
თარიღი: ნოემბერი 10, 2019.
საათი: 10:41pm 0 კომენტარი

      გუშინ მიკროსკოპული სამყაროს მშვენიერებაზე ვისაუბრეთ, ახლა კი სოკოს და ობმოდებულ ხილს შევეხოთ, რომელიც იმაზე მდიდრულად გამოიყუერბა, ვიდრე უბრალოდ დამპალი ხილი. დღევანდელი სკულპტურების ავტორი ქეთლინ…

გაგრძელება

მიკროსამყაროს სკულპტურა

გამოაქვეყნა Tamila Moshiashvili_მ.
თარიღი: ნოემბერი 9, 2019.
საათი: 11:20pm 0 კომენტარი

      ბუნება მრავალმხრივ მომხიბლელი და საინტერესო მოცემულობაა, რომელიც ჩვენს გარშემო, ჩვენგან დამოუკიდებლად არსებობს. თუმცა, ზოგჯერ შეუიარაღებელი თვალით, შეუძლებელია იმ უფრო დიდი სამყაროს ხილვა,…

გაგრძელება

საშვიდნოემბრო გახსენება, განათლება უმინისტროდ და ნატო უჩვენოდ

გამოაქვეყნა Giorgi_მ.
თარიღი: ნოემბერი 7, 2019.
საათი: 11:30pm 0 კომენტარი

      ნოემბრის ერთ-ერთ ტრადიციად ქცეული დღე - 7 ნოემბრის გახსენება და იმედში შეჭრის დღემდე დაუსრულებელი სასამართლოები - ცხადია ერთ-ერთი თემა დღეს ეს იყო. მთავარი თემა განათლებას და უმინისტროდ დარჩენილ…

გაგრძელება

Qwelly World

free counters