ამჯერად რას შეიძლება მივაწეროთ ამ დროს ჩემი აქ ყოფნა? რა თქმა უნდა უძილობას. მაგრამ ის ფაქტი, რომ ღამით არ გეძინებათ, ყოველთვის ცუდი როდია. აი მაგალითად, მე ეს შემთხვევა გამოვიყენე და ერთი ფრიად "ჭრელი" და საინტერესო პოსტი გამოვაცხვე. ამჯერად ფოტოგრაფიას მივაპყრობ თქვენს ყურადღებას - კერძოდ კი National Geographic -ის რამოდენიმე ფოტოს და მათ ავტორებს გაგაცნობთ. 

1...

ეს ფოტო National Geographic-ის ფოტორეპორტიორმა - სტივ მაკარტმა ავღანეთის ომის შესახებ მასალების შეგროვებისას  დევნილთა ბანაკში გადაუღო 12 წლის გოგონას. ეს ფოტო ჟურნალ National Geographic -ის გარეკანზე დაიბეჭდა და მთელმა მსოფლიომ გაიცნო უბრალო ავღანელი გოგონა შიშისაგან გაფართოებული თვალებით.17 წლის შემდეგ  ჟურნალისტები კვლავ გაემართნენ ავღანეთში გოგონას მოსაძებნად. აღმოჩნდა, რომ 30 წლის შარბათ გულას (Sharbat Gula) მისი ფოტო აქამდე არასოდეს ენახა და წარმოდგენაც არ ჰქონდა, თუ რა პოპულარული იყო "ავღანელ მონა ლიზად" წოდებული მისი პორტრეტი.

2...

National Geographic-ის 2010 წელს
ჩატარებულ კონკურსში გამარჯვებულ, საუკეთესო ფოტოებს შორის მოხვდა ეს ფოტოც: "პატარა ტიბეტელი მამასთან ერთად", რომელიც გადაღებულია ქართველი ფოტოგრაფის სერგი ბარისაშვილის მიერ.

3...

4...

ორი უსუსური ბავშვის სურათმა ჰონკონგელ ფოტოგრაფ ჩან კვოკ ჰუნგს 2011 წლის კონკურსში გამარჯვება მოაპოვებინა. ფოტოგრაფის თქმით, ფოტო ნეპალის დედაქალაქში - კატმანდუშია გადაღებული და მასზე აღბეჭდილია ორი ბავშვი, რომლებიც ბებიასთან ერთად ჯართის ნაგავსაყრელზე ცხოვრობენ.

5...

 

ფოტო გადაღებულია ბრისტოლის სანაპიროზე, ალასკაში. “ჩვენ გვიყვარს ჩვენი თევზები!” ამბობს ინა ბუკერი, ადგილობრივი მოსახლე იუპიკების ტომიდან, რომელიც მაღაროების გათხრებს ეწინააღმდეგება. “ორაგული ყოველთვის გარბის. მაგრამ თუკი საბინადრო არეალს შევუზღუდავთ, უკან აღარასდროს დაბრუნდებიან.”