პრემიერის კანდიდატი ცვლილებებით, აქციები ოზურგეთში, სინოდის სხდომის ანონსი და ფილმის მოლოდინი ხორავას საქმეზე

      წვიმა განსაკუთრებით ებრძვის გლდანს და ახმეტელის მეტროს მიმდებარე ტერიტორიას. ბოლო დღეების ძლიერი წვიმების დროსაც ასე იყო და ახლაც ასეა, ამ წუთებში, თბილისში ძლიერი წვიმის შედეგად, მეტროსადგურ „ახმეტელის“ მიმდებარე ტერიტორია დაიტბორა. რაც შეეხება ამჟამამდელ ამბებს - პრემიერობის ჯერ კიდე კანდიდატი მამუკა ბახტაძე სამინისტროების შემცირებას აანონსებს და სამინისტროებში მომუშავეთა შემცირებასაც, ამასთანავე აქცია გაიმართა დღეს ოზურგეთში, იყო მსოფლიო ნიუსების სიმრავლეც ინტერნეტ გამოცემებში და დღის ბოლოსკენ საპატრიარქოდან ახალი ამბავი გაისმა - 21 ივნისს სინოდის სხომა და ანონსი.

საქართველოს და მსოფლიოს ამბები / 18 ივნისი, 2018 /

      პატარა მთავრობა, ანუ ახალი პრემიერიც კარგად გვისო - მამუკა ბახტაძე - ჩვენ გვჭირდება მცირე ზომის მთავრობა, რომელიც რა თქმა უნდა, გულისხმობს გარკვეული უწყებების გაერთიანებას. კახა კალაძე - „ქართული ოცნების“ გუნდში სამინისტროების შემცირებაზე მსჯელობა მიმდინარეობს. მთავრობის ახალი შემადგენლობა კვირის განმავლობაში ჩამოყალიბდება. ვახუშტი მენაბდე - ხელისუფლების მხრიდან გონივრული ნაბიჯი იქნება, თუ იუსტიციის მინისტრის პორტფელს თეა წულუკიანის მაგივრად სხვას ჩააბარებენ. პრემიერ-მინისტრობის კანდიდატი მამუკა ბახტაძე უმრავლესობის წევრებს შეხვდა. ნინო ლომჯარია - იუსტიციის სამინისტროში დაუყოვნებლივ უნდა გატარდეს ის მნიშვნელოვანი რეფორმები, რომელიც შექმნილმა კრიზისმა დაგვანახა. ეკა გიგაური - თეა წულუკიანი მთავრობაში არ უნდა დარჩეს და ის უნდა ჩაანაცვლოს ადამიანმა, რომელიც რეფორმების ეფექტურად ჩატარებაზე იქნება ორიენტირებული. ზაქარია ქუცნაშვილი - მამუკა ბახტაძემ მთავრობის შემადგენლობა არსებული სტრუქტურით უნდა წარმოადგინოს - რომელი მინისტრი მოყვება სეკვესტრში, შემდეგი ეტაპის საქმეა. მთავრობაში დაგეგმილი სტრუქტურული ცვლილებები ამ ეტაპზე წარმოდგენილი არ იქნება. ეკა გიგაური - მივესალმებით პრემიერობის კანდიდატის გადაწყვეტილებას იმ შემთხვევაში, თუკი ზოგიერთი სამინისტრო საერთოდ გაუქმდება. გიორგი კახიანი - ახალი მთავრობა კვირის ბოლომდე დამტკიცდება. რომან გოცირიძე - ორმაგი დატვირთვის მქონე თეა წულუკიანის გაშვება ეტყობა ხელისუფლებისთვისაც პრობლემურია. კახა კალაძე - მცირე მთავრობის ინიციატივა კარგად მესმის, რადგან გვჭირდება მოქნილობა, გვჭირდება ვიყოთ ოპერატიულები გადაწყვეტილებების მიღების პროცესში. სერგო რატიანი - რასაც მამუკა ბახტაძე აკეთებს, არის უკან გადადგმული კიდევ ერთი ნაბიჯი. მამუკა ბახტაძე - სამინისტროების რაოდენობა 14-დან 11-მდე შემცირდება. მამუკა ბახტაძე - განახლებულ მინისტრთა კაბინეტში ახალი სახეები ნამდვილად იქნებიან. მამუკა ბახტაძე - მცირე მთავრობის კონცეფცია არ გულისხმობს მხოლოდ სამინისტროების რაოდენობის შემცირებას. მამუკა ბახტაძე პარლამენტს სთავაზობს, მინისტრთა კაბინეტის დეტალური განხილვა არა ახლა, არამედ მთავრობის ახალი სტრუქტურის წარდგენის დროს მოახდინონ. მამუკა ბახტაძე - ანაკლიაში ღრმაწყლოვანი პორტის მშენებლობას ადრეც მივესალმებოდი და ყოველთვის მხარს დავუჭერ. გიორგი კახიანი - ფინანსთა, ეკონომიკისა და საგარეო საქმეთა მინისტრებად ამ ეტაპზე მინისტრების მოადგილეები იქნებიან ფორმალურად წარმოდგენილნი. ეკა ბესელია - სასჯელაღსრულებისა და იუსტიციის სამინისტროების გაერთიანების საკითხი დღის წესრიგში დგას. გიორგი კახიანი - პრემიერობისა და მინისტრობის კანდიდატები ნდობის მისაღებად საპარლამენტო კომიტეტებში ხვალვე წარსდგებიან. პარლამენტს მთავრობის განახლებული შემადგენლობა წარედგინა, რომელშიც მინისტრობის სამი ახალი კანდიდატია. რომან გოცირიძე - შევცვალეთ მთავრობა, არ იცვლება პოლიტიკა - უნდა შეიცვალოს მთელი ხელისუფლება და სამთავრობო ცვლილებების შემდეგ საზოგადოების მთავარი დაკვეთა ეს გახდება. დავით უსუფაშვილი მამუკა ბახტაძეზე - ასე სახაჭაპურეც კი არ იმართება, არათუ სახელმწიფო. დევნილთა სამინისტროს ნაწილი შესაძლოა, ჯანდაცვის, ნაწილი კი ინფრასტრუქტურის სამინისტროს შეუერთდეს, ხოლო კულტურის სამინისტრო სავარაუდოდ, განათლების სამინისტროსთან გაერთიანდება. განათლების სამინისტროში შემავალი სტრუქტურა, რომელიც სკოლების მშენებლობაზეა პასუხისმგებელი, შესაძლოა, ინფრასტრუქტურის სამინისტროს დაექვემდებაროს.

      მერის მუშაობა და თბილისური ამბავნარი - კახა კალაძე მდინარე ვერეს კალაპოტის გაწმენდის სამუშაოებს გაეცნო. კახა კალაძე - ღამის ეკონომიკა არ ნიშნავს მხოლოდ კლუბურ ცხოვრებას, მხოლოდ ღამის კლუბებს, ესაა მცირე და საშუალო ბიზნესის განვითარება. დედაქალაქის მერია ახალი სოციალური კამპანიის - „გაუფრთხილდი ქალაქს“ წარმოების მიზნით კონკურსს აცხადებს. გმირთა მოედანზე, „ლაგუნა ვერეს“ მიმდებარე ტერიტორიიდან ბენზინგასამართი სადგურების აღება იგეგმება.

      მაჩალიკაშვილების საქმე - ომბუდსმენი მიიჩნევს, რომ პროკურატურამ და სუს-მა მაჩალიკაშვილების ოჯახს, რამდენადაც შესაძლებელი იქნება, გამოძიების მიმდინარეობაზე ინფორმაცია უნდა მიაწოდონ.

      მკვლელი პოლიციელი - სოფელ მუხაესტატეს პოლიციის განყოფილების უფროსის მკვლელობაში ბრალდებულს აღკვეთის ღონისძიების სახით პატიმრობა შეეფარდა.

      გატაცება გორიდან - სუს-ის ინფორმაციიით, სოფელ ახალუბნის მკვიდრის გატაცების ფაქტზე ევროკავშირის სადამკვირვებლო მისია ინფორმირებულია. ახლობლების ინფორმაციით, საოკუპაციო რეჟიმის მიერ დაკავებული მიხეილ პეტრიაშვილი ცხინვალის მილიციის წინასწარი პატიმრობის იზოლატორში იმყოფება.

      ჩინოსანი დამნაშავეები - ოზურგეთის სასამართლომ "ქართული ოცნების" წევრს ტარიელ აროშიძეს აღკვეთის ღონისძიების სახით 5000-ლარიანი გირაო შეუფარდა. „ნაციონალურმა მოძრაობამ" დღეს, ოზურგეთის მერიისა და პოლიციის შენობებთან საპროტესტო აქციები გამართა. ოზურგეთში მიმდინარე აქციის მონაწილეები საკრებულოს თავმჯდომარის გადადგომას მოითხოვდნენ. შემდეგ, ოზურგეთის საკრებულოს თავმჯდომარე „ნაციონალური მოძრაობის“ წევრებს შეხვდა. ოზურგეთში, საკრებულოს შენობასთან მიმდინარე აქციაზე ინციდენტი მოხდა. შსს არ ადასტურებს ინფორმაციას, რომ ოზურგეთის მერიასთან სპეცრაზმი იყო მობილიზებული. „ნაციონალური მოძრაობის“ წევრებმა ოზურგეთის საკრებულოს ფოიეში შიმშილობა გამოაცხადეს - „ნაცმოძრაობის“ წევრი - პარასკევამდე საპროტესტო აქციას ვწყვეტთ, თუმცა ოზურგეთის საკრებულოს შენობაში შიმშილობას დავიწყებთ. ოზურგეთის საკრებულოს თავმჯდომარემ გუბერნიის თანამშრომელი "ნაცმოძრაობასთან" კავშირსა და პროვოკაციაში დაადანაშაულა.

      უნდობლობა აბიტურიენტებს - გამოცდებისა და ტესტირებების დროს ვიდეოთვალთვალის სისტემის გამოყენება იქნება შესაძლებელი.

      ფილმი ხორავას ქუჩის ამბებზე და ოპოზიციის ერთიანობა მკვლელობების გამო - ზაზა სარალიძე საზოგადოებრივ მაუწყებელს დღის ბოლომდე აძლევს ვადას იმ ფილმის გასაშვებად, რომელიც ხორავას ქუჩაზე მომხდარ დანაშაულს ეხება. ზაზა სარალიძე - ვითხოვ, დაკითხონ დავით ოქიტაშვილი. ზაზა სარალიძე - ვაზაგაშვილის საქმიდან გამომდინარე ოპოზიცია გაერთიანდა წინა ხელისუფლების დასამხობად, თუ ოპოზიცია საჭიროდ თვლის, რომ გვერდით დამიდგეს, მივესალმები. სასამართლოს სასადილოში სარალიძე-კუპრავასთან მომხდარ ინციდენტზე ოთხ პოლიციელს საყვედური, მათ ხელმძღვანელ პირს კი, სასტიკი საყვედური გამოუცხადეს. საზოგადოებრივი მაუწყებელი ხორავას ქუჩაზე მომხდარ მკვლელობასთან დაკავშირებით „გამომძიებელი რეპორტიორის“ მიერ მომზადებულ ფილმს ხვალ გაუშვებს.

      საფრთხის შემცველი შრომა - ირაკლი პეტრიაშვილი - შრომის უსაფრთხოების თვალსაზრისით საქართველოში არაფერი შეცვლილა. თბილისი შრომით უფლებებსა და საერთაშორისო სტანდარტებზე კონფერენციას მასპინძლობს.

      ქურდების დაკავება - შსს-მ „ქურდული სამყაროს“ წევრობის ბრალდებით 6 პირი დააკავა. საფრანგეთის სასამართლომ „კანონიერ ქურდებს“ - კახა შუშანაშვილს, ზაზა ელიკაშვილსა და გიორგი ელერჯიას 10 წლით თავისუფლების აღკვეთა შეუფარდა.

      უქმე დიდგორობა - 12 აგვისტოს - დიდგორობის უქმე დღედ გამოცხადების საკანონმდებლო ინიციატივა პარლამენტს კიდევ ერთხელ წარედგინება.

      წმინდა სინოდის დაანონსებული სხდომა - 21 ივნისს საპატრიარქოში წმინდა სინოდის სხდომა გაიმართება. შესაძლო განსახილველ საკითხებზე ახალქალაქისა და კუმურდოს მიტროპოლიტმა ნიკოლოზმა ისაუბრა - თუმცა იგი არ გამოიცხავს, რომ ერთ–ერთ საკითხად სხდომაზე მსოფლიო საპატრიარქოს წარმომადგენლებისგან უკრაინის ეკლესიის დამოუკიდებლობასთან დაკავშირებით მიღებული ინფორმაციის გაცნობა იყოს. ჩვენ მსოფლიო საპატრიარქოს მღვდელმთავრებმა მოგვაწოდეს ინფორმაცია, რომ მსოფლიო საპატრიარქოში ამ საკითხის განხილვა მიმდინარეობს. მსოფლიო საპატრიარქოში კომისია იყო შექმნილი და მათაც შეისწავლეს ეს საკითხი. შესაძლოა წმინდა სინოდის სხდომაზე ამ საკითხზეც იყოს საუბარი. კითხვაზე, წმინდა სინოდის სხდომაზე იქნება თუ არა დაყენებული რაიმე კუთხით ბრალდებული დეკანოზის გიორგი მამალაძის საკითხი, მიტროპოლიტისთვის უცნობია.
„მამა გიორგის დეკანოზის წოდება შენარჩუნებული აქვს. ჩვენ ველოდებით სასამართლოს საბოლოო შედეგებს, რადგან პროცედურები საბოლოოდ დასრულებული არ არის. რაც შეეხება მისი ზიარების საკითხს, ეს არ არის საკითხი, რომელსაც ეკლესია განიხილავს. მას ჰყავს პირადი მოძღვარი. მისი მოძღვარია მეუფე დიმიტრი. მან, რაღაც მოსაზრებებით, საჭიროდ ჩათვალა, რომ დროებით შეჩერებული აქვს ზიარება. ეს საკითხი მამა გიორგის და მისი მოძღვრის განსახილველია და მათ შორის გვარდება. ეკლესიას არავითარი ოფიციალური გადაწყვეტილება, არავითარი დადგენილება, რომ მამა გიორგის ზიარება აეკრძალოს, არ მიუღია“, – განაცხადა მიტროპოლიტმა.

საზღვარგარეთულები:

      ბერძნული დაძაბულობა - მაკედონიასთან გაფორმებულ შეთანხმებას საბერძნეთში აქცია და პოლიციასთან შეტაკება მოყვა.

      ამერიკული განქსტერობანა - ნიუ-ჯერსის შტატში ერთ-ერთ გამოფენაზე სროლის შედეგად 20-მდე ადამიანი დაიჭრა. პროკურორი - ნიუ-ჯერსის შტატში, გამოფენაზე სროლა, რომელსაც 20-ზე მეტი ადამიანი ემსხვერპლა, კრიმინალურ დაჯგუფებებს შორის კონფლიქტით იყო გამოწვეული.

      ევროპაში არარეგალობა - Bild - ანგელა მერკელი არალეგალური მიგრაციის პრობლემაზე ევროკავშირის რამდენიმე წევრ ქვეყანასთან საგანგებო შეხვედრის გამართვას გეგმავს. გერმანიის შს მინისტრი ანგელა მერკელზე - მეტი აღარ შემიძლია ამ ქალთან მუშაობა. დონალდ ტრამპი - ჩვენ არ გვსურს, რაც მიგრანტების მხრივ ევროპაში ხდება, ჩვენთანაც მოხდეს.

      იაპონური მოთხოვნები კორეას - იაპონიის საგარეო საქმეთა მინისტრი - აშშ-მ ჩრდილოეთ კორეას 47 პუნქტისგან შემდგარი მოთხოვნები წაუყენა.

      გაკვეთილი დასავლეთს - რეჯეფ თაიფ ერდოღანი თურქ ამომრჩევლებს - დასავლეთს 24 ივნისს ერდოღანის მარცხის ნახვა სურს, მზად ხართ დასავლეთს გაკვეთილი ჩაუტაროთ?

      დემოკრატია კოლუმბიაში - კოლუმბიის საპრეზიდენტო არჩევნებში „დემოკრატიული ცენტრის“ კანდიდატმა ივან დუკემ გაიმარჯვა.

      ავსტრიული მზადყფნა - ავსტრია მზად არის აშშ-რუსეთის პრეზიდენტების შეხვედრას უმასპინძლოს.

      გახანგრძლივებული სანქციები - ევროკავშირმა რუსეთის წინააღმდეგ დაწესებული ეკონომიკური სანქციები კიდევ ერთი წლით გაახანგრძლივა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 204

ტეგები: qwellynews, ბლოგი, ივნისი, ნიუსები, სიახლეები

George: ივნისი 18, 2018||11:43pm

ჩატარებული კენჭისყრის შედეგად ( ორი ხელი ნოლის წინააღმდეგ) მეც ვახანვგრძლივებ სანქციებს ერთი წლით ! პუწიკ გეშინოდეს !  

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Density Gradient Centrifugation

გამოაქვეყნა EFTcheat_მ.
თარიღი: მარტი 29, 2024.
საათი: 5:30am 0 კომენტარი







Nycodenz, a broadly applied reagent in laboratory options, holds important significance in the field of mobile biology and biochemistry. In the following paragraphs, we will take a look at the multifaceted mother nature of Nycodenz, its programs, and how it revolutionizes density gradient centrifugation techniques.



What is Nycodenz?

Nycodenz is a non-ionic, iso-osmotic iodinated density gradient medium commonly used in cell separation and purification…

გაგრძელება

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Qwelly World

free counters