მიწისთხილიანი ნამცხვარი ჯერ არავის დაუწუნებია, თუ ალერგიული არ იყო მიწისთხილზე. განსაკუთრებით როცა საქმე სნიკერსს ეხება, ძნელია ვიპოვოთ მასზე აუგისმთქმელი (ასეთები ძირითადად მარსს არჩევენ და მარსის ნამცხვარიც ხომ გვაქვს?). სწორედ ამიტომ, ქველინარიამ გადაწყვიტა შესანიშნავი რეცეპტი მოეძიებინა და თქვენთვის შემოეთავაზებინა დღესასწაულების გასამშვენიერებლად - სნიკერსის ტორტი ექსკლუზიური რეცეპტით!

შემადგენლობა:

• ვანილის ბისკვიტი

  • ფქვილი - 270 გრ
  • გამაფხვიერებელი - 3 ჩ/კ
  • გრანულებიანი შაქარი - 265 გრ.
  • მარილი - ½ ჩ/კ
  • კარაქი - 120 გრ.
  • რძე - 1 ჭიქა (0,237 ლიტრი)
  • ვანილის ექსტრაქტი - 1 ჩ/კ
  • კვერცხი - 2 ცალი
    
• შოკოლადის ბისკვიტი

  • ფქვილი - 270 გრ
  • გამაფხვიერებელი - 1 ჩ/კ
  • შაქარი - 300 გრ.
  • სოდა - ½ ჩ/კ
  • მარილი - ½ ჩ/კ
  • კარაქი - 120 გრ.
  • რძე - 1 ჭიქა (240 მილილიტრი)
  • ვანილის ექსტრაქტი - 1 ჩ/კ
  • კვერცხი - 2 ცალი
  • გამდნარი შოკოლადი - 60 გრამი
• სნიკერსები
• კარამელის სოუსი

  • ყავისფერი შაქარი - 1 ჭიქა
  • რძე - ½ ჭიქა
  • კარაქი - 4 ს/კ
  • მარილი - 1 მწიკვი
  • ვანილის ექსტრაქტი - 1 ს/კ
  • ქვაბში მოათავსეთ შაქარი, რძე, კარაქი და მარილი და საშუალო ცეცხლზე კარგად ურიეთ 5-7 წუთის განმავლობაში. შემდეგ დაამატეთ ვანილის ექსტრაქტი და განაგრძეთ მორევა. როდესაც ერთიანი და ბლანტი მასა მიიღება, გასქელდება, გამორთეთ და გააგრილეთ.
    

    P.S. შეგიძლიათ მოიკითხოთ სუპერმარკეტებში თხევადი, კულინარიული კარამელი

• თეთრი შოკოლადის განაჩე (მიკროტალღოვან ღუმელში შედგით 2/3 ჭიქა ნაღები და გააცხელეთ, შემდეგ დაუმატეთ 1 ს/კ კარაქი და 1 1/4 ჭიქა თეთრი შოკოლადის ღილები (დაახლ. 225 გრ.) და გააჩერეთ 5 წუთის განმავლობაში. გამოიღეთ და კარგად გადაურიეთ)
• შოკოლადის განაჩე (მზადდება იმავე მეთოდით, ოღონდ გამოიყენებთ შავი შოკოლადის ღილებს)
• კარაქის კრემი (ვანილით) (მოიკითხეთ მაღაზიებში ან დაამზადეთ თავად)

  • კარაქი - 120 გრ.
  • შაქრის ჭიქურა (პუდრი) - 300 გრ. 
  • ვანილი - 10 მილიგრამი
  • რძე - 60 მილიგრამი
  • მთელი ეს მასა კარგად უნდა აურიოთ მიქსერის საშუალებით
• არაქისი (მთელი და დაჭრილი)

მომზადება:

ვანილის ბისკვიტი:

      ჩაყარეთ ჯამში ფქვილი, შაქარი, მარილი, გამაფხვიერებელი. აურიეთ მიქსერით და ეტაპობრივად შეურიეთ კარაქი, კარაქი კარგად რომ შეერევა, დაუმატეთ ვანილის ექსტრაქტი და რძე. შიგადაშიგ მოგიწევთ მიქსერის ჯოხის გაწმენდა. ბოლოს შეურიეთ კვერცხი. ერთიან მასას რომ მიიღებთ გადაიტანეთ საცხობ ტაფაზე და გამოაცხვეთ 180 გრადუსზე 30-35 წუთის განმავლობაში. მოცემული პორციით, შეძლებთ ორი საშუალო სიმაღლის ბისკვიტის გამოცხობას 20-22 სმ დიამეტრის ტაფაზე. ტაფას მოასხით საცხობი სპრეი და დაუფინეთ პერგამენტი.

შოკოლადის ბისკვიტი:

      შოკოლადის ბისკვიტიც ანალოგიურად მზადდება, უბრალოდ ემატება შოკოლადის ფილა, რომელსაც გაადნობთ აირღუმელში და ჩაამატებთ მთლიან მასაში სულ ბოლო იგრედიენტად და შეურევთ მიქსერით.

      გავჭრათ ჰორიზონტალურად, ორ ნაწილად ვანილისა და შოკოლადის ბისკვიტები. პირველ ნაწილს წრულად, გარშემო წავუსვათ კარაქის კრემი და შევავსოთ კარამელის თხელი სოუსით (შესაძლებელია მოხარშული შედედებული რძით ჩანაცვლებაც).

      შოკოლადის ბისკვიტიც გავჭრათ ჰორიზონტალურად შუაზე და ერთი ნაწილი დავადოთ ვანილის კრემ და კარამელმოსმულ ბისკვიტს. გადავუსვათ კარაქის კრემი და ზემოდან დააწყვეთ სნიკერსები. სნიკერსებს შორის სივრცე შევავსოთ კარაქის კრემით.

      დაადეთ ვანილის ბისკვიტის მეორე ნაწილი ზემოდან და მოიქეცით ისევე როგორც პირველის შემთხვევაში. შემდეგ დაადეთ შოკოლადის ბისკვიტის მეორე ნაწილი და კვლავინდებურად გადაუსვით კარაქის კრემი.

      საბოლოოდ, თორტი მთლიანად დაფარეთ კარაქის კრემით. გვერდებზეც წაუსვით.

      შემდეგ, კარამელის, შოკოლადის და კარაქის კრემის გამოყენებით მორთეთ. არ დავაიწყდეთ სნიკერსების დალაგებაც არაქისის მოყრა.

გემრიელად მიირთვით!