აღდგომის ბრწყინვალე დღესასწაულს ხომ ყველა ქრისტიანი მოუთმენლად და სიხარულით ელის...

მორწმუნენი ამ დღეს წითელი კვერცხითა და პასკით ხვდებიან.

პასკას სიმბოლური დატვირთვა აქვს და როგორც ამბობენ ის გოლგოთას მთას განასახიერებს...

აღდგომის მოახლოებასთან ერთად ყოველ ნაბიჯზე, ყოველ მაღაზიაში მრავლად გვხვდება სხვადასხვა ზომისა თუ გემოს პასკები

თუმცა, მერწმუნეთ სახლში თქვენი ხელით მომზადებული პასკის გემოს არაფერი შეედრება

შემადგენლობა:

1. 1,5 ლ რძე
2. 3 ს/კ საფუარი
3. 18 კვერცხი
4. 900 გრ კარაქი
5. 300 გრ მარგარინი
6. 1 ჩ/კ მარილი
7. 1 მუსკატის კაკალი
8. 20 ცალი კარდამონი
9. ლიმონის ზეთი
10. 6 კილო ფქვილი (დაახლოებით)
11. ქიშმიში

მომზადება:

• 1 ჩაის ჭიქა ნელ-თბილ რძეში გავხსნათ 3 ს/კ დროჟი, დავუმატოთ ფქვილი, იმდენი რომ მივიღოთ არაჟნის სისქის ცომი. ეს მასა მოვათავსოთ ცალკე.

• 1 ლიტრ და 1 ჩაის ჭიქა რძეს დავამატოთ 100გრ გამდნარი კარაქი, 100 გრ შაქარი, 1 ჩ/კ მარილი. 

• დავამატოთ ფქვილი იმდენი რომ მივიღოთ ფაფისებური მასა. გავაციოთ და დავუმატოთ დროჟიან მასას.

• მიღებული მასა გავაჩეროთ 1 საათი.

• შემდეგ გავაკეთოთ 18 კვერცხის ბეზე. კვერცხის გული ავთქვიფოთ ცალკე და შევურიოთ მზა ბეზეს.

•  ეს მასა ჩავასხათ ქვაბში, დავამატოთ 1 მუსკატის კაკალი, 20 ცალი კარდამონი, ლიმონის ზეთი, 1,5 კგ შაქარი, 800 გრ კარაქი, 300 გრამი მარგარინი და ავურიოთ დროჟიან ცომში.

• დავამატოთ 4 კილო ფქვილი და ვზილოთ 2 საათის განმავლობაში.

• მოზელილი ცომი კარგად შევფუთოთ და გავაჩეროთ სანამ კარგად არ გაფუვდება (რამდენიმე საათით)

• გაფუებული ცომი დავყოთ პატარა გუნდებად დავამატოთ ქიშმიში და მოვათავსოთ ფორმებში.