გაზაფხულია, მაგრამ სიცხე ნელ-ნელა ძალებს იკრებს და ცივი სასმელებისა და ნამცხვრებისკენ გაგვირბის თვალი. ცხელ დღეებში შეგიძლიათ მიირთვათ ჟელატინის საზაფხულო ტორტი, ან მოამზადოთ კრემ ბრულე ან სულაც იოგურტის ნაყინით გაგრილდეთ, მაგრამ დღეს, ქველინარია გთავაზობთ ნაყინის ტორტს, რომელიც სწორედ გარდამავალი, საგაზაფხულო პერიოდისაა.

შემადგენლობა

• კვერცხი - 7 ც.
• მარილი - 1 მწიკვი
• შაქარი - 100 გრ.
• კაკაო - 40 გრ.
• სახამებელი - 40 გრ.
• შავი შოკოლადი 100 გრ.
• ნაყინი გემოვნებით.

მომზადება

• მოზრდილ თასში ჩაახალეთ 7 კვერცხი და დაუმატეთ 1 მწიკვი მარილი. ოდნავ შეთქვეფილ მასას დაუმატეთ 100 გრამი შაქარი და განაგრძეთ მიქსერით თქვეფა, ვიდრე კარგად არ ამოვა.
• მასას დაუმატეთ 40 გრამი კაკაო და მოურიეთ კოვზით კარგად რომ გაუჯდეს.
• დაუმატეთ 40 გრამი სახამებელი და კვლავ მოურიეთ კოვზით.
• შეურიეთ 60 გრამი ფქვილი. მასა საბოლოოდ ოდნავ შესქელებული გამო.
• გადაიტანეთ საცხობ ფორმაში. წარმოდგენილი იგრედიენტების ოდენობით მომზადებული მასისთვის, სასურველია, რომ იყოს ოდნავ მომცრო დიამეტრის და მაღალი ფორმა.
• ბისკვიტი უნდა გამოაცხოთ 200 გრადუსზე 15-20 წუთის განმავლობაში.
• ვიდრე ბისკვიტი ცხვება, ორთქლის აბაზანაზე გაადნეთ 100 გრამი შავი შოკოლადი (ფილა).
• გამოიღეთ ბისკვიტი, გაჭერით ჰორიზონტალურად შუაზე, ორ ნაწილად, დაელოდეთ კარგად რომ გაგრილდეს. შემდეგ ძირის ფენას დაადეთ ნაყინი, კარგად გადაასწორეთ, და დაადეთ მეორე ფენა. ჩვენ გირჩევთ ვანილისა და კარამელის ნაყინს.
• ზემოდან მაოსხით შოკოლადი და მოსართავად მოაყარეთ დაჭრილი ნუში.

შედგით მაცივარში და გემრიელად მიირთვით ცივ ყავასთან ერთად!