Batbout - მაროკოული პური, ის ასევე ცნობილია ამ სახელწოდებებითაც: mkhamer, toghrift და matlou

Batbout მაროკოში ისეთივე პოპულარულია როგორც ჩვენთან ცხელ-ცხელი თონის პური...

ის შეგიძლიათ გამოაცხოთ ნებისმიერი ზომის

ეს პური არაჩვეულებრივია საუზმისთვისაც, კარაქთან, ჯემთან ან შოკოლადთან ერთად...

მისგან ასევე შეგიძლიათ მოამზადოთ ნებისმიერი სახის სენდვიჩი

არჩევანი თქვენზეა...

შემადგენლობა:

1. 4 ჭიქა თეთრი ფქვილი
2. 2 ჭიქა მსხვილად დაფქული ხორბლის ფქვილი
3. 2 ½  ს/კ შაქარი
4. 2 ჩ/კ მარილი
5. 3 ს/კ  მცენარეული ზეთი
6. 2 ს/კ საფუარი
7. 2 ჭიქა თბილი წყალი

მომზადება:

• თასში მოათავსეთ საფუარი და 1 ჩ/კ  შაქარი დაასხით ¼ ჭიქა თბილი წყალი, გააჩერეთ 10 წუთი.
• ფქვილი, მარილი და დარჩენილი შაქარი აურიეთ ერთმანეთში, დაამატეთ საფუარი, ზეთი და დარჩენილი თბილი წყალი, მოზილეთ სქელი ცომი
• ცომი უნდა იყოს რბილი, მაგრამ არ წებოვანი. თუ თხელი ცომი გამოგივიდათ შეგიძლიათ დაამატოთ ცოტა ფქვილი.
• ცომი მოზილეთ იქამდე, სანამ სწორი, გლუვი ზედაპირი არ ექნება.
• შემდეგ დაყავით პატარა ბურთულებად, ბურთულები გააპრტყელეთ 1/8 ინჩის სისქეზე.

• გაპრტყელებული ცომი მოათავსეტ ტილო გადაფარებულ ლანგარზე, ზემოდანაც გადააფარეთ ტილო, და გააჩერეთ 2 საათი
• საშუალო ცეცხლზე დადგით ტაფა და გააცხელეთ, გაფუებეული ცომი გადაიტანეთ ტაფაზე და გამოაცხვეთ, ცხობისას პური რამდენჯერმე გადააბრუნეთ.

ეს პური ინახება 2 დღე ოთახის ტემპერატურაზე.