წმიდა სამოცდაათთაგანნი სტაქოსი, ამპლია, ურბანოსი, ნარკისი, აპელოსი და არისტობულე მოციქული.

      ანდრია პირველწოდებულმა წმინდა სტრაქოსი ბიზანტიის ეპისკოპოსად დაადგინა. ნეტარი აქ 16 წელიწადი მოღვაწეობდა,დიდი მოწიწებით ქადაგებდა ჭეშმარიტ სარწმუნოებას, მრავალ წარმართს მოაქცევდა ქრისტიანობაზე, ბოლოს კი მშვიდობით შეჰვედრა სული უფალს. წმიდა ამპლია (რომ. 16,8) ქალაქ დიასპოლის ეპისკოპოსი იყო, წმიდა ურბანოსი (რომ. 16,9) კი - მაკედონიისა. ისინიც წმიდა ანდრიამ აკურთხა მღვდელმთავრებად. სახარების სწავლების გავრცელებისთვის იუდეველებმა და ელინმა წარმართებმა უფლის მოწაფეები წამებით მოკლეს. წმიდა ნარკისი ათენის ეპისკოპოსი იყო, აპელოსი - თრაკიის ჰერაკლიისა, არისტობულე კი (რომ. 16,10) ბრიტანეთის მღვდელმთავარი იყო და იქვე მიიცვალა მშვიდობით (მის შესახებ იხილეთ 16 მარტის საკითხავში).

◄ გუშინ | დღეს | ხვალ ►