როგორც ნეტარი იერონიმე განმარტავს, სახელი იოელი ნიშნავს "დამწყებს". წინასწარმეტყველი წიგნის მიხედვით, იოველის (ზოგჯერ მოიხსენიებენ როგორც იოელი) მამას ბათუილი ერქვა. იოელის ცხოვრების შესახებ ცნობებს ვერც მის წიგნში და ვერც ბიბლიის რომელიმე სხვა ნაწილში ვერ ვხვდებით. სახელი იოელი წმინდა წერილში რამდენიმეგზის ფიქსირდება, მაგრამ მათგან არავის ხსენებულ წინასწარმეტყველთან კავშირი არ აქვს. მკვლევართა ნაწილს მიაჩნია, რომ იოელი ძველი აღთქმის სასულიერო დასს განეკუთვნებოდა, რადგან მის წიგნში საკმაოდ ხშირადაა საუბარი მღვდლებზე, მსხვერპლზე. ამის საპირისპიროდ არსებობს ცნობები, რომელთა მიხედვითაც იოელი რუბენის (ერთი ცნობის მიხედვით) ან გადის (მეორეს შესაბამისად) შტოს განეკუთვნებოდა. წიგნის შინაარსის გათვალისწინებით, იოელი სამხრეთ სამეფოს მკვიდრია, რადგან ყველა მისი მიმართვა იუდეის სამეფოს ეხება და სიონის ძეებისკენაა მიმართული.

      მეცნიერთა ნაწილი მას ბაბილონის ტყვეობის პერიოდის მოღვაწედ მიიჩნევს; ზოგნი კი იოელის საქმიანობას 868\838 წლებით ათარიღებენ.

      მისი წინასწარმეტყველება წიგნი ოთხი თავისგან შედგება. წინასწარმეტყველი ასპარეზზე გამოდის იუდეის სამეფოს თავსდამტყარი უბედურების ჟამს, რაც კალიების შემოსევის სახითაა აღწერილი. იოელი დეტალურად აღწერს ხსენებულ მოვლენას და ყველას სინანულისა და უზენაესისადმი ვედრებისკენ მოუწოდებს, რადგან წინასწარმეტყველი განსაცდელს ცოდვის შედეგად აღიქვამს. მისი წინასწარმეტყველების მთავარი თემებია:

1. უწყება კალიების შემოსევის შესახებ (კალიების ოთხი სახეობა).
2. წინასწარმეტყველება სულიწმინდის მოვლინების შესახებ.
3. უწყება საყოველთაო სამსჯავროს თაობაზე.

იხილეთ ვრცლად:

"წინასწარმეტყველი იოველი"

◄ გუშინ | დღეს | ხვალ ►