21 ივლისს (ძვ. სტ. 8 ივლისს) ქრისტეს ეკლესია იხსენიებს წმინდა მეფე მირდატს

მეფე მირდატი, წმინდათა ცხოვრება, თვენი, ივლისი, ქველი, qwelly, july

      მეფეთა ცხოვრების მიხედვით, მეოთხე საუკუნეში იბერიის მეფე გახლდათ მირდატი, ძე ბაქარისა (იგივე ბაკურისა). მირდატი ბაბუის, თრდატ მეფის აღზრდილი იყო და სრულიად აღვსილი სიბრძნითა და სახელმწიფოებრივი გონიერებითა, უფლის მოშიშებითა და სიყვარულითა, ერისადმი თავდადების და მოვალეობის უდიდესი გრძნობით. მირდატი ყრმობის ასაკიდან გამოირჩეოთა მეფის თვისებებით, და არა მხოლოდ გარეგნულით.

      ასეთ ახოვან, უშიშარ, მხნე, ბერძენ მეფეს განსაკუთრებული მიზანი ჰქონდა დასახული - ქართლის სამეფო გაეთავისუფლებინა და გაეძლიერებინა. მირდატი მტრად მოეკიდა ბერძნებს და სპარსელებს. დაიწყო ბიზანტიისგან მოტაცებული ტაო-კლარჯეთის დასაბრუნებლად საჭირო ნაბიჯების გადადგმა - "ბერძენთაგან ეძიებდა კლარჯეთსა, საზღვართა ქართლისასა" - წერს მემატიანე, სპარსელებს კი ხარკს არ უხდიდა და არც საშინაო საქმეებში ჩარევდა ხოლმე. მიუხედავად იმისა, რომ გარშემო ესოდენ დიდი იმპერიაბი, ქვეყნები და მართველები ეხვია, საკუთარი სამშობლოს გაძლირებაზე და დამოუკიდებლობაზე ფიქრს და შრომას თავს არ ანებებდა.

      რაც დრო გადიოდა, მეზობელი დამპყრობლები მით უფრო ვერ ეგუებოდნენ საქართველოზე გავლენის შესუსტებას და დაიწყო ომები. სპარსეთის მეფემ დიდძალი ჯარი გამოგზავნა იბერთა მეფის დასასჯელად. მირდატმა "არა ჰრიდა სიმრავლესა სპარსთასა", მოძალადეებს მცირედი მხედრობით გარდაბანთან მიეგება და ფიცხელი ბრძოლა გაუმართა, მაგრამ თავდადებულ ქართველთა შიშველი შემართება საკმარისი არ აღმოჩნდა მტრის აურაცხელ და კარგად აღჭურვილი ურდოს დასამარცხებლად. ქართველთა ლაშქარმა ბრძოლა წააგო, ხოლო თავად მირდატ მეფე კი მტერმა ტყვედ ჩაიგდო და მაშინვე ბაღდადს, სპარსეთის ხელმწიფის კარზე წაიყვანეს. ტყვედ ჩავარდნილ ქართველ გვირგვინოსანს სპარსთა მეფემ მაშინვე რჯულის გამოცვლა მოსთხოვა, მაგრამ ცივი უარი მიიღო. ბევრი ტანჯეს და აწამეს სპარსელებმა მირდატი, უხვ წყალობასა და დიდებასაც დაჰპირდნენ, მაგრამ ამაოდ, ქართველთა გაუტეხელმა ხელმწიფემ ქრისტიანობის ღალატს ისევ ტყვედ დარჩენა ამჯობინა. ბორკილდადებული და ნატანჯი მირდატი სპარსელებმა ბაღდადის ციხეში ჩააგდეს, სადაც მცირე ხნის შემდეგ, 410 წელს გარდაიცვალა. ასე დაამთავრა თვისი სიცოცხლე ქრისტიანობისა და საქართველოსათვის წამებულმა კიდევ ერთმა ქართველმა გვირგვინოსანმა. თავის ერზე უსაზღვროდ შეყვარებულმა მირდატმა სიცოცხლეში ვერ მოასწრო ეკლესია-მონასტრების შენება, რადგან გამუდმებით ბრძოლებში გართულს, ალბათ განზრახული ჰქონდა, რომ სამშობლოს განთავისუფლების შემდეგ მიეხედა ერის სულიერ-ზნეობრივ სატკივართათვის. საყვედურობს კიდეც ჟამთააღმწერელი: "არცა აღაშენა ეკელსიაჲ, არცა ჰმატა შენებულთაო", მაგრამ ღმერთმა გაამჟღავნა ქრისტესადმი მისი უსაზღვრო სიყვარული და საკუთარი სიკვდილის ფასად თავდადებულმა მეფემ აგვიგო ზეცაში ხელთუქმნელი ტაძარი, საიდანაც ისევე მხურვალედ ლოცულობს ჩვენთვის, როგორც იბრძოდა ჩვენი ქვეყნის მტერთა წინააღმდეგ.

◄ გუშინ | დღეს | ხვალ ►

ტეგები: 21 ივლისი, Qwellyland, თვენი, თრდატი, ივლისი, წმინდათა_ცხოვრება

ნახვა: 153

ღონისძიებები

ბლოგ პოსტები

კონტრტერორისტული სპეცოპერაცია - შედეგები და განცხადებები, პრეზიდენტის არჩევანი, ომბუდსმენის მოვალეობანი და გირგვლიანის საქმე

გამოაქვეყნა Giorgi_მ.
თარიღი: ნოემბერი 22, 2017.
საათი: 11:49pm 0 კომენტარი

      მთელი დღე განსაზღვრა და მეინსტრიმული აღმოჩნდა ტერორიზმში ეჭვმიტანილი პირების დაკავების საქმე. რამდენიმე ცამყვანი ტელევიზია პირდაპირ ეთერშიც გადმოსცემდა აღნიშნულ პრეცესს, ზოგიერთი დაგვიანებით და…

გაგრძელება

თბილისის წინასაზამთრო გადაწყობა, საბაჟო მონიტორინგი, ევროპაში სახელგანთქმულები, ამერიკული საჩუქარი და მადლობა პუტინს

გამოაქვეყნა Giorgi_მ.
თარიღი: ნოემბერი 21, 2017.
საათი: 11:30pm 0 კომენტარი

      შტორმი-წვიმა და თოვლი იწყება - სინოპტიკოსების თქმით საქართველოს ზოგიერთ რაიონში წვიმა, მთაში - თოვლი და ზღვაზე შტორმია მოსალოდნელი. თუმცა იქამდე, დღეს საქართველოს მართლმადიდებელი ეკლესია…

გაგრძელება

კადრებშემცირებული სამინისტროები, მერიის ბიუჯეტის განაწილება, ზამთრის მოახლოება და საქართველო საზღვრებში და მის გარეთ

გამოაქვეყნა Giorgi_მ.
თარიღი: ნოემბერი 20, 2017.
საათი: 11:30pm 0 კომენტარი

      ნოემბერი ზამთროპას აპირებს და რაც აქამდე სითბოსა და მზის სხივებში გვანებივრა, სინოპტიკოსების ცნობით, 22 ნოემბერიდან საპირისპირო მოხდება - წვიმები, სიცივე და უკვე დედაქალაქშიც თოვლს…

გაგრძელება

We have put an email to everyone which will

გამოაქვეყნა fanzhou_მ.
თარიღი: ნოემბერი 20, 2017.
საათი: 11:30am 0 კომენტარი

The email should include an Closed up Beta entree laws code calculatordecoder free codes decoderdecoding sstandards regulations unlock} to find Ps3 2 or perhaps even Console Some. Stemming from narrowed yard from your Closed up Beta, fifa 18…

გაგრძელება

Qwelly World

free counters