ყველაზე უმცროსსაც გამოჰყვა სახელოვანი ოჯახის მადლი. სიმღერის ეშხს ისიც ვერ გაექცა. ადრე თავის უფროს ძმასთან არტემთან მღეროდა, ხოლო შემდეგ, იგიც შეუდგა დამოუკიდებელ მუშაობას.

      თავდაპირველად, 1921-1927 წლებში, სიმღერებს ასწავლიდა გოგიეთში, გურიანთაში, ნატანებში, ახალსოფელში, რამაც ხალხში პოპულარობა მოუპოვა.

      პარალელურად ქალაქ ბათუმში ჯერ მელიტონ კუხიანიძესთან მღეროდა კაპელაში, ხოლო შემდეგ ძმის, არტემის, 1935 წლიდან ოზურგეთშია და სოფელ მაკვანეთის საკოლმეურნეო გუნდს ხელმძღვანელობს. სარაიონო და საქალაქო ოლიმპიადებზე ამ გუნდმა დიდი წარმატება მოიპოვა.

      მახარაძის რაიონული კულტსახლის ინსტრუქტორია მუსიკის დარგში. აქ ჩამოაყალიბა მრავალრიცხოვანი გუნდი და მეჩონგურე-მეფანდურეთა ანსამბლი, რომელმაც დიდ წარმატებას მიაღწია რაიონულ ოლიმპიადებზე.

      ძალიან აქტიური მუშაკია, ჩამოაყალიბა გუნდები ანასეულში, ექადიაში, ლიხაურში, დვაბზუში, ძაფსახვევ ქარხანაში, ჩაის ტექნიკუმში, პიონერთა კლუბში და ვინ მოსთვლის, კიდევ სად.

      სამამულო ომის პერიოდში კონცერტებს მართავდა სამხედრო ნაწილებსა და ჰოსპიტლებში. 1949 წელს სოფ. შრომაში შექმნა გუნდი, რომელშიც სოციალისტური შრომის გმირი ექვსი ქალი მონაწილეობდა. ასეთი ნაყოფიერი მუშაობისთვის მიენიჭა საქართველოს ხელოვნების დამსახურებული მოღვაწის წოდება.

"ფონდი ქართული გალობა"