თამაზ ამირანაშვილი, სვეტიცხოვლის მგალობელთა გუნდის წევრი 19 წლის განმავლობაში. მოხუცებულობის მიუხედავად, ხმაზე ახლაც შეატყობდით, რომ ოდესღაც პირველ ხმას გალობდა, წკრიალი ტენორი იქნებოდა.

83 წლის, პატრიარქის ასაკის ვარ და მახსოვს პირველად სვეტიცხოველში სწორედ პატრიარქის აღსაყდრებისას ვიგალობე, 1977 წელს.

      35 წლის განმავლობაში გალობდა, აქედან 19 წელი სვეტიცხოველში. იქამდე სიონში, სიონის შემდეგ მცირე სამებაში და 1979 წლიდან, პატრიარქის, ილია II-ის კურთხევით, სვეტიცხოვლის მგალობელთა გუნდის წევრი იყო, - გვიამბობდა მისი შვილი. 1996 წელს, ვიდრე სვეტიცხოვლის დღევანელი გუნდი ფეხს კარგად მოიკიდებდა და ჩამოყალიბდებოდა, სვეტიცხოველში თამაზ ამირანაშვილი და მისი გუნდი გალობდა. მისი სვეტიცხოველში სტუმრობა, თითეული ჩვენგანისთვის განსაკუთრებული იყო. მიშა ძიამ (მიხეილ ალიბეგაშვილი), გუნდის უხუცესმა წევრმა, შორიდანვე იცნო და ჩვენც გაგვაცნო - ბატონი, თამაზ ამირანაშვილი, სანამ თქვენ დაიბადებოდით, ეს ადამიანი აქ გალობდაო.

      ბატონ თამაზს სამახსოვრო ფოტოს გადაღებაც ვთხოვეთ:

თამაზ ამირანაშვილი სვეტიცხოვლის ვაჟთა გუნდთან ერთად, სვეტიცხოველი, 13 აგვისტო, 2016

      წავიდა და დაგვემშვიდობა სიტყვებით:

იგალობეთ ბიჭებო, დიდხანს იგალობეთ, ამაზე კარგ საქმეს თქვენ ვერ გააკეთებთ!

დიდხანს სიცოცხლეს ვუსურვებთ ბატონ თამაზს, სვეტიცხოვლის სიყვარული და კვართის მფარველობა აძლიერებდეს და ჯანმრთელობას ჰმატებდეს მრავალჟამიერ!