საქართველოს ისტორიის 1900-1921 წლები, რომელსაც წინამდებარე ტომი ეძღვნება, რთული და სწრაფცვალებადი სოციალურ-პოლიტიკური მოვლენებით ხასიათდება. ამ პერიოდში რუსეთის იმპერიაში მოხდა სამი რევოლუცია, რომელთგან მესამე – დიდი ოქტომბრის სოციალისტური რევოლუცია - კაცობრიობის ისტორიაში ახალი ეპოქის დამწყები გახდა. სამივე რევოლუციის ფრონტებზე საქართველოს ერთ-ერთი მოწინავე უბანი ეკავა.

      სოციალისტური რევოლუციის წანამძღვრები საქართველოში XX საუკუნის დასაწყისიდან – რუსეთის იმპერიაში მიმდინარე სოციალ-ეკონომიკური და პოლიტიკური პროცესების ზეგავლენით და მათთან მჭიდრო კავშირურთიერთობაში მომწიფდა. კაპიტალიზმმა, რომელიც XIX საუკუნის მეორე ნახევრიდან სწრაფი ტემპებით განვითარდა რუსეთში, მოკლე დროის განმავლობაში უკვე მოასწრო შეეღწია იმპერიის ყველა კუთხეში და შეეტანა იქ “ბურჟუაზიული წყობის სიმშვენიერენი”. კაპიტალიზმმა ერთი მთლიანი ბორკილით შებოჭა რუსეთი და ყველგან - ცენტრშიაც და განაპირა კოლონიურ რაიონებშიც - მისთვის დამახასიათებელი კანონები გააბატონა. რუსეთის კაპიტალიზმის ყველა შეურიგებელი წინააღმდეგობა, მის მონოპოლისტურ სტადიაში მეტ-ნაკლები ზომით იჩენდა თავს მთელ იმპერიაში. განაპირა კოლონიურ რაიონებში, სადაც ცარიზმი სოციალურ ჩაგვრასთან ერთად ეროვნულ ჩაგვრასაც ახორციელებდა, ეს წინააღმდეგობანი და მისი შედეგები გაცილებით უფრო მძიმე და მტკივნეული იყო.

      საქართველო, როგორც იმპერიის განაპირა-კოლონიური მხარე, ბუნებრივია, განიცდიდა ყველა იმ შინაგანი პროცესის ზეგავლენას, რაც XX საუკუნის პირველი ოცწლედის რუსეთის სოციალ-ეკონომიკურ და პოლიტიკურ ცხოვრებას ახასიათებდა. მოვლენათა განვითარების ტენდეცია ქვეყნის ყველა კუთხეში ერთგვარი იყო. მართალია, ეკონომიკურად, სოციალურად და ეროვნულად განსხვავებულ რაიონებში ხშირად თავს იჩენდა სპეციფიკა, მაგრამ ეს მოვლენის არსს, მისი განვითარების ძირითად მიმართულებას ვერ ცვლიდა. ამიტომ 1900-1921 წლების საქართველოს მთელი ისტორიული ცხოვრების ახსნა- გაგება შეუძლებელია იმპერიალიზმისა და პროლეტარული რევოლუციის ეპოქის რუსეთის ცხოვრების გათვალისწინების გარეშე.p>

      ამ ტომში წარმოდგენილი მასალა აბათილებს დასავლეთის რეაქციონერ ისტორიკოსთა ტენდენციურ თვალსაზისებს.

საქართველოს ისტორიის ნარკვევების მეექვსე ტომის შინაარსი:

შესავალი

თავი I - საქართველოს მრეწველობა და სოფლის მეურნეობა 1900-1917 წლებში

• § 1. კაპიტალისტური მრეწველობის და სოფლის მეუნეობის განვითარება და იმპერიალიზმის სტადიაზე გადასვლის ტენდენციები საქართველოში
• § 2. მრეწველობის მარტივი ფორმები - ოჯახური მრეწველობა და ხელოსნობა. წვრილი სასაქონლო წარმოების ევოლუცია
• § 3. წვრილი კაპიტალისტური წარმოების ხვედრითი წონის შემცირება. მარტივი კოოპერაცია და მანუფაქტურა
• § 4. საფაბრიკო-საქარხნო მრეწველობა
• § 5. სამთო და მეტალურგიული მრეწველობა
• § 6. საქართველოს მუშათა კლასი 1900-1017 წლებში
• § 7. საქართველოს მრეწველობის განვითარების ძირითადი ტენდენციები და შედეგები (1900-1917 წწ.)
• § 8. სავაჭრო მიწადმოქმედება
• § 9. გლეხობის კლასობრივი დაშლის პროცესის შემდგომი გაღრმავება, კულაკური მეურნეობანი. სოფლის პროლეტარიატი
• § 10. მემამულური მეურნეობის მდგომარეობა. ვაჭარ-მრეწველთა კაპიტალისტური საწარმოები სოფლად
• § 11. კლასობრივ წინააღმდეგობათა ხასიათი სოფლად

თავი II - მასობრივ-პოლიტიკური მოძრაობის აღმავლობა საქართველოში 1901-1904 წლებში

• § 1. მუშათა მოძრაობა 1900-1904 წლებში
• § 2. აგრარული მოძრაობა 1900-1904 წლებში

თავი III - 1905 - 1907 წლების რევოლუცია საქართველოში

• § 1. რევოლუციის დასაწყისი
• § 2. მასობრივი რევოლუციური მოძრაობის განვითარება 1905 წლის გაზაფხულსა და ზაფხულში
• § 3. 1905 წლის მიწურულს შეიარაღებული აჯანყება საქართველოში
• § 4. ეროვნულ-განმათავისუფლებელი მოძრაობა საქართველოში 1905-1907 წლებში
• § 5. რევოლუციის უკანდახევა

თავი IV - საქართველო რეაქციისა და ახალი რევოლუციური აღმავლობის პერიოდში (1907-1914 წწ.)

• § 1. რეაქციის დასაწყისი
• § 2. რეაქციის შეტევა იდეოლოგიურ ფრონტზე
• § 3. სტოლიპინის აგრარული რეფორმა და აგრარული საკითხი საქართველოში. 1912 წლის კანონი
• § 4. მუშათა მოძრაობა საქართველოში 1910-1914 წლებში
• § 5. გლეხთა მდგომარეობა და რევოლუციური ბრძოლა 1910-1914 წწ. საქართველოში
• § 6. საქართველოს ბოლშევიკური ორგანიზაციები მუშათა რევოლუციური აღმავლობის სათავეში. კრიზისის მომწიფება

თავი V - პირველი იმპერალისტური ომი და თებერვლის ბურჟუაზიულ-დემოკრატიული რევოლუცია საქართველოში

• § 1. ომის დაწყება. საომარი ოპერაციები კავკასიის ფრონტზე
• § 2. საქართველოს წვრილბურჟუაზიული პარტიები პირველ მსოფლიო ომში.
• § 3. საქართველოს ბოლშევიკების ბრძოლა ომში ლენინური ხაზის განხორციელებისათვის
• § 4. ომის სიძნელეები და სამეუნეო ნგრევა საქართველოში
• § 5. მშრომელი მასების და არმიის რევოლუციური მოძრაობა პირველი იმპერიალისტური ომის წლებში
• § 6. დემოკრატიული მოძრაობის ხასიათი
• § 7. თებერვლის ბურჟუაზიულ-დემოკრატიული რევოლუცია საქართველოში

თავი VI - საქართველოს ბურჟუაზიულ-დემოკრატიული რევოლუციის სოციალისტურად გადაზრდის პერიოდში

• § 1. საქართველოს პარტიული ორგანიზაციები მასების სათავეში
• § 2. საქართველოს მუშათა კლასის რევოლუციური აღმავლობა
• § 3. ქართველი გლეხობა მიწის და თავისუფლებისათვის ბრძოლაში
• § 4. რევოლუციური აღმავლობა კავკასიის არმიაში

თავი VII - საქართველო ამიერკავკასიის კომისარიატისა და სეიმის პერიოდში (1917 წ. ოქტომბერი, 1918 წ. მაისი)

• § 1. ოქტომბრის სოციალისტური რევოლუცია. საქართველოს მშრომელთა მასების ბრძოლა საბჭოთა ხელისუფლების დამყარებისათვის
• § 2. ამიერკავკასიის კომისარიატის და სეიმის საშინაო და საგარეო პოლიტიკა
• § 3. საქართველოს მშრომელთა მასების შეიარაღებული ბრძოლა სეიმის პერიოდში

თავი VIII - საქართველოს მენშევიკური მთავრობის საშინაო და საგარეო პოლიტიკა

• § 1. საშინაო პოლიტიკა
• § 2. გერმანელი და თურქი ოკუპანტები საქართველოში
• § 3. ინგლისელი ოკუპანტები საქართველოში
• § 4. მენშევიკური მთავრობა და თეთრგვარდიული კონტრრევოლუცია (დენიკინი, ვრანგელი)
• § 5. საქართველო იმპერიალისტურ სახელმწიფოთა გეგმებში

თავი IX - საბჭოთა ხელისუფლების გამარჯვება საქართველოში

• § 1. საქართველოს მშრომელთა რევოლუციური ბრძოლა 1918 - 1919 წწ.
• § 2. შეიარაღებული აჯანყება საქართველოში 1919 წლის ოქტომბერში
• § 3. შეიარაღებული აჯანყება და საბჭოთა ხელისუფლების გამარჯვება საქართველოში

თავი X - ქართული კულტურა ბურჟუაზიულ-დემოკრატიული რევოლუციების ხანაში (1901 – 1921 წწ.)

• § 1. ხალხის მატერიალური და სულიერი ყოფა
• § 2. განათლება და მეცნიერება
• § 3. ლიტერატურა
• § 4. ხელოვნება
• § 5. პრესა და გამომცემლობა

შენიშვნა: წარმოდგენილი PDF ფაილი არ წარმოადგენს საქართველოს ისტორიის ნარკვევების VI ტომის სრული ვერსიას.

მეექვსე ტომის რედაქტორებიი: აკაკი სურგულაძე; გრიგოლ მარგიანი; ალექსანდრე ბენდიანიშვილი; აბელ კიკვიძე.

სამეცნიერო ლიტერატურა

საქართველოს ისტორია

გვერდების რაოდენობა: 578

ფორმატი: PDF

იხილეთ წიგნი:

საქართველოს ისტორიის ნარკვევები (ტ.VI)